மழைத்தொழுகைக்கு திரண்டு வந்த அதிரையர்கள் ! [ படங்கள் இணைப்பு ]

அதிரை ஜமாத்துல் உலமா சபை சார்பில் வறண்டு காணப்படும் நமதூருக்கு மழை வேண்டி இன்று [ 03-04-2014 ] காலை 8 மணியளவில் நமதூர் பெரிய ஜும்மா பள்ளியில் சிறப்பு தொழுகை நடத்தப்பட்டது.

தொழுகை நடைபெறுவதற்கு முன்னதாக ரஹ்மானியா அரபிக் கல்லூரியின் முதல்வர் முஹம்மது குட்டி ஆலிம் அவர்கள் மழை தொழுகை குறித்த சிறப்பு சொற்பொழிவாற்றினார். அதனைத்தொடர்ந்து மழை தொழுகை நடைபெற்றது. தொழுகை முடிந்தவுடன் பிரார்த்தனை செய்யப்பட்டது. சுமார் 10 நிமிடத்திற்கும் மேலாக நீடித்த இந்த பிரார்த்தனையில் தொழுகையில் கலந்துகொண்ட அனைவரும் இறைவனிடம் மனம் உருகி பிரார்த்தனை செய்தார்கள். நிகழ்வின் இறுதியில் லெ.மு.செ. அப்துல் காதர் ஆலிம் அவர்களின் சிறப்பு பிரார்த்தனை செய்யப்பட்டது.

முன்னதாக அதிரை ஜமாத்துல் உலமா சபை மூலம் அனைவரும் கலந்துகொள்ள வேண்டுகோள் விடப்பட்டதை தொடர்ந்து இதற்கான அறிவிப்பை அதிரையில் உள்ள அனைத்து பள்ளிகளிலும் ஒலிபெருக்கி மூலம் தெரிவிக்கப்பட்டதால் அதிரை அனைத்து மஹல்லாவை சேர்ந்தவர்களும் இதில் ஆர்வத்துடன் பங்கேற்றனர்.

சுமார் 1 மணி நேரத்திற்கும் மேல் நீடித்த இந்த சிறப்பு நிகழ்வில் அதிரையின் பல்வேறு பகுதிகளிலிருந்து பெரும்திரளானோர் கலந்துகொண்டார்கள். தொலைதூரத்திலிருந்து வந்த பெரும்பாலானோர் தங்களின் வாகனங்களை பள்ளியை சுற்றி அமைந்துள்ள சாலைகளில் நிறுத்தி இருந்ததால் தொழுகை முடியும் வரை அப்பகுதி முழுவதும் நெருக்கடியாக காணப்பட்டது.