அதிரையில் கிலோ ரூ 200க்கு விற்பனையாகும் சிங்கி இறால் [ படங்கள் இணைப்பு ]

இன்று காலை அதிரை கடைத்தெரு மீன் மார்கெட்டிற்கு சிங்கி இறால்கள் விற்பனைக்கு வந்தது. மீன் வியாபாரிகள் கிலோ ரூபாய் 200 வரை விற்பனை செய்தனர். மருத்துவ குணம் கொண்ட இவ்வகை சிங்கி இறால்கள் 250 கிராம் முதல் 500 கிராம் வரை எடையளவில் காணப்பட்டது.

சிங்கி இறால் குறித்து மீன் வியாபாரி மொய்தீன் நம்மிடம் கூறியதாவது...
'சர்வேதச மார்க்கெட்டில் நல்ல விலை போககூடிய சிங்கி இறால்கள் கடலில் பாறைகளுக்கு அடியில்தான் வளரும். இரவு நேரங்களில் மட்டுமே வெளியில் வந்து இரைகளைத் தேடித் தின்னும். இவற்றைப் பிடிப்பதற்கென்றே சிங்கி வலை, டிஸ்கோ வலை போன்ற வலைகளும் உள்ளன. இவ்வகை இறால்களில் நார்ச்சத்து மிகுந்து காணப்படும். மிகவும் சுவையாக இருக்கும் இவற்றை வெளியூர் மற்றும் வெளிநாடுகளுக்கு ஏற்றுமதி செய்யப்படுகின்றன. இவை மீனவர்களின் வலைகளில் மிகக்குறைவாகவே சிக்கும்' என்றார்.