அதிரை ஈசிஆர் சாலையிலிருந்து அரசு மருத்துவமனைக்கு செல்லும் சாலையை சீரமைக்க மாவட்ட ஆட்சியரிடம் கோரிக்கை !

அதிரை ஈசிஆர் சாலையிலிருந்து அரசு மருத்துவமனைக்கு செல்லும் சாலையை சீரமைக்க வலியுறுத்தி தஞ்சை மாவட்ட ஆட்சியருக்கு அதிரை மனித உரிமைகள் கழக அமைப்பாளர் OKM சிபஹத்துல்லாஹ் மற்றும் அப்பகுதி பொதுமக்கள் கோரிக்கை மனு அனுபியுள்ளனர்.

மனுவில் கூறப்பட்டுள்ளதாவது :
அதிரை பேரூராட்சிக்கு உட்பட்ட ஈசிஆர் சாலையிலிருந்து அரசு மருத்துவமனைக்கு செல்லும் சாலை பழுதடைந்துள்ளது. கழிவு நீர் செல்லும் வாய்க்கால் மூடப்படாமல் திறந்த நிலையில் உள்ளது.இதனால் கழிவு நீர் தேங்கி கானபடுவதால் துர்நாற்றம் வீசுகின்றது. இப்பகுதியில் குடியிருப்போர் மற்றும் வணிகர்களுக்கு தொற்று நோய் ஏற்படும் அபாயம் இருக்கிறது. இது தொடர்பாக பலமுறை அதிரை பேரூராட்சி நிர்வாகத்திடம் முறையிட்டும் பழுதடைந்த சாலையை சீரமைக்கப்படவில்லை. சாக்கடையை அப்புறப்படுத்த நடவடிக்கை மேற்கொள்ளப்பட வில்லை. இதே நிலை நீடித்தால் நீண்ட நாட்களாக தேங்கி கிடக்கும் சாக்கடையால் தொற்று நோய் பரவி உயிருக்கு ஆபத்து ஏற்படும். பழுதடைந்த சாலையில் வாகன ஓட்டிகள் மிகவும் சிரமப்படுகின்றனர். எனவே சாலையை சீரமைத்து, சாக்கடையை அப்புறப்படுத்த நடவடிக்கை எடுக்க வேண்டும். என கோரிக்கை மனுவில் கூறப்பட்டுள்ளது.