AJ பள்ளியில் நாளை துவங்க உள்ள ஜும்மா தொழுகைக்காக பணிகள் தீவிரம் !

அதிரை AJ நகரில் கடந்த 30 ஆண்டுகளுக்கும் மேலாக சிறப்பாக இயங்கி வருகின்ற A.J. பள்ளிவாசல் அப்பகுதியினரின் வேண்டுகோளுகிணங்கவும், அதிரை உலமா சபை மற்றும் அதிரை நகர ஜமாத்தினரின் ஒத்துழைப்புடனும் நாளை ( 22-08-2014 ) வெள்ளிக்கிழமை முதல் ஜும்மா தொழுகை துவங்க இருப்பதை கடந்த வாரங்களுக்கு முன்பு பள்ளியின் நிர்வாகிகள் மகிழ்ச்சியுடன் நம்மிடம் அறிவிப்பு செய்தனர்.

இந்நிலையில் பள்ளியின் முதல் ஜும்மா தொழுகை சிறப்பாக நடத்தி முடித்திட கடந்த சில நாட்களாக அதற்குரிய பணிகளை பள்ளியின் நிர்வாகிகள் தீவிரமாக செய்து வருகின்றனர். நாளை நடைபெற உள்ள நிகழ்ச்சியில் பல்வேறு மார்க்க அறிஞர்கள் கலந்து கொண்டு சிறப்புரை நிகழ்த்த உள்ளனர். இதில் அனைவரும் கலந்துகொண்டு சிறப்பிக்க பள்ளி நிர்வாகத்தின் சார்பில் அன்புடன் அழைப்பு விடப்பட்டுள்ளது.

குறிப்பு : பள்ளி பராமரிப்பு மற்றும் வளர்ச்சிக்காக போதுமான நிதி உதவியை பள்ளி நிர்வாகிகள் நம்மிடம் எதிர்பார்த்துள்ளனர். ஆகவே உதவ எண்ணுவோர் பள்ளி நிர்வாகிகளை தொடர்பு கொண்டு உதவ முயற்சிக்கலாம்.