உண்ணாத உறவும், கேளாத கடனும் உருப்பட்டதாக சரித்திரம் கிடையாதுங்க.

உண்ணாத உறவும், கேளாத கடனும் உருப்பட்டதாக சரித்திரம் கிடையாதுங்க, அதுபோல, தூர்வாரி தண்ணீர் கொண்டு நிறைக்காத குளமும், சுத்தப்படுத்தி தண்ணீர் கொண்டு ஓடாத வாய்க்காலும் உருப்பட்டதாக சரித்திரம் கிடையாதுங்க, ஆமாங்க, நல்லா சிந்தித்து பாருங்க.

உறவு என்று ஒன்று இருந்தால்; அதை வாரத்தில் இருமுறையாவது ரீசார்ஜ் செய்துகொண்டே இருக்கணும், அதாவது அடிக்கடி போய் ஒரு கிளாஸ் தண்ணீராவது குடித்து கொண்டு வரணும்.

கடன் என்று ஒன்று இருந்தால், அதை அடிக்கடி கேட்டுக்கொண்டே இருக்கணும்.

குளம் என்று ஒன்று இருந்தால், அதை வருடத்தில் ஒருமுறையாவது தூர்வாரி சுத்தப்படுத்தி தண்ணீரை நிரப்பி தக்கவைத்துக்கொண்டே இருக்கணும்.

வாய்க்கால் என்று ஒன்று இருந்தால், அதை மாதத்தில் ஒருமுறையாவது சுத்தப்படுத்தி தண்ணீரை ஓடவிட்டுக்கொண்டே இருக்கணும்.

மேலே சொன்னபடி இல்லாவிட்டால்! உறவு, கடன், குளம், வாய்க்கால் இவை அனைத்தும் காணாமல் போய்விடும்.

ஊரை சுற்றி போக்குவரத்து சாலைகள் அமோகம், ஆனால் ஊரைச்சுற்றி இருந்த நீர் வரத்து வாய்க்கால்கள் எங்கே?

அதிரையில் உள்ள குளங்கள் அனைத்தும் தண்ணீரால் நிரம்பனும், அதிலும் நமக்கு குடிநீரை தினமும் கொடுத்துக் கொண்டிருக்கும் காட்டுக் குளப்பகுதியில் நீர்மட்டம் உயர வேண்டும். 

இப்போது நமது ஊரின் நிலை எப்படி இருக்கின்றது?

இப்படிக்கு.

K.M.A. ஜமால் முஹம்மது,

த/பெ. கோ.மு. முஹம்மது அலியார்.(மர்ஹூம்)

Consumer & Human Rights.

Thanjavur District Organizer, Adirampattinam-614701.

cosumer.and.humanrights614701@gmail.com