அதிரையில் மழை நிலவரம் !

அந்தமான் அருகே உருவான காற்றழுத்தத் தாழ்வுப் பகுதியானது, தமிழகம் நோக்கி நகர்ந்து வருவதாகவும், இன்று ஞாயிற்றுக்கிழமை முதல் பருவ மழை தீவிரம் அடையும். இதனால் அடுத்து வரும் 3 நாள்களுக்கு பலத்த மழை பெய்யும் என வானிலை ஆய்வு மையம் எச்சரிக்கை விடுத்தது.

முன்னதாக அதிரை மற்றும் சுற்று வட்டார பகுதிகளில் கடந்த [ 30-10-2015 ] அன்று முதல் தொடர் மழை பெய்து வருகிறது. இதில் கடந்த நாட்களாக விடமால் தொடர் மழை பெய்து வருகிறது. இதனால் அதிரையின் பிரதான பகுதிகளில் மக்கள் நடமாட்டம் வெகுவாக குறைந்து காணப்படுகின்றன. அன்றாடம் நடைபெறும் பணிகளும் பாதிப்படைந்துள்ளன.

தொடர் மழையால் முக்கிய வீதிகளின் தாழ்வான பகுதிகளில் தண்ணீர் தேங்கி காணப்படுகின்றன. மழை தொடர்ந்து பெய்து வருவதால் பள்ளிகளுக்கு விடுமுறை அளிக்கப்பட்டுள்ளது. அதிரை கடலோரப் பகுதி மீனவர்கள் கடலுக்கு மீன் பிடிக்க செல்லவில்லை. உப்பளங்களில் நடைபெறும் பணிகளும் அடியோடு நிறுத்தப்பட்டுள்ளது.

அதிரையில் வானம் மேகம் கூட்டங்களால் சூழ்ந்து காணப்படுகின்றன. குளிர்ந்த காற்றும் வீசி வருகிறது. தொடர் மழையால் செடியன் குளம், செட்டியா குளம், புதுப்பள்ளி குளம், செயனாங் குளம், கடற்கரைதெரு ஜும்மா பள்ளி குளம், புதுத்தெரு மிஷ்கின் சாஹிப் பள்ளி குளம் உள்ளிட்டவற்றில் மழைநீர் நிரம்பி காணப்படுகிறது.

அதிரையில் கடந்த 30-10-2015 அன்று முதல் இன்று 15-11-2015 காலை 8.30 மணி வரை பெய்த பெய்த மழையளவு 31-10-2015 அன்று 49.6 மி.மீ, 3-11-2015 அன்று 9.6 மி.மீ, 7-11-2015 அன்று 26.2 மி.மீ, 8-11-2015 அன்று [ காலை 8.30 மணி நிலவரப்படி ] 3.80 மி.மீ, 8-11-2015 அன்று [ மாலை 4.30 மணி நிலவரப்படி ], 12.2 மி.மீ, 9-11-2015 அன்று 39 மி.மீ, 14-11-2015 அன்று 9 மி.மீ, இன்று காலை 8.30 மணி நிலவரப்படி 23.9 மி.மீ என பதிவாகியுள்ளது.