அதிரையில் லயன்ஸ் சங்கம் நடத்திய இலவச கண் பரிசோதனை முகாமில் திரளானோர் பங்கேற்பு !

அதிரை லயன்ஸ் சங்கம் - காதிர் முகைதீன் கல்லூரி நாட்டு நலப்பணி திட்டம் மற்றும் மதுரை அரவிந்த் கண் மருத்துவமனை இணைந்து நடத்திய மாபெரும் முழுமையான இலவச கண் பரிசோதனை முகாம் நமதூர் சாரா திருமண மண்டபத்தில் இன்று [ 22-03-2014] காலை 8.00 மணி முதல் மதியம் 1.00 மணி வரை நடைபெற்று வருகிறது.

இதில் அதிரை மற்றும் அதனைச்சுற்றி வசிக்கும் ஏராளமான பொதுமக்கள் முகாமில் கலந்துகொண்டு பயனடைந்து வருகின்றனர். நிகழ்ச்சிகுரிய அனைத்து ஏற்பாடுகளையும் லயன்ஸ் சங்கத் தலைவர் அஹமது, செயலாளர் பேராசிரியர் செய்யது அஹமது கபீர், பொருளாளர் சாகுல் ஹமீது மற்றும் லயன்ஸ் சங்க ஏனைய நிர்வாகிகள் மேஜர் முனைவர் கணபதி, அப்துல் ஹமீது, ஜலிலா ஜுவல்லரி முஹம்மது மொய்தீன், ஆறுமுகசாமி ஆகியோர் செய்து இருந்தனர். 

இன்றைய முகாமில் காதிர் முகைதீன் கல்லூரியின் நாட்டு நலப்பணித்திட்ட ஒருங்கிணைப்பாளர் பேராசிரியர் செய்யது அஹமது கபீர் மற்றும் நாட்டு நலப்பணித்திட்ட மாணவ மாணவிகள் மற்றும் லியோ நிர்வாகிகள் நியாஸ் அஹமது, அதிரை மைதீன் ஆகியோர் கலந்துகொண்டு ஆலோசனை பெற வந்தவர்களுக்கு வேண்டிய உதவியை செய்து வருகின்றனர்.

இன்றைய முகாமில் 300 க்கும் மேற்பட்டவர்கள் கலந்துகொள்வார்கள் என எதிர்பார்க்கப்படுகிறது. இதில் 50 க்கும் மேற்பட்டவர்களுக்கு இலவசமாக கண் அறுவை சிகிச்சை செய்துகொள்ள ஏற்பாடு செய்யப்படும் என தெரிகிறது.