தஞ்சை தொகுதியின் அதிமுக வேட்பாளர் பரசுராமன் TNTJ அதிரை கிளையினருடன் சந்திப்பு !

எதிர்வரும் நாடாளுமன்ற தேர்தலில் போட்டியிடும் அதிமுக அணிக்கு தமிழக தவ்ஹீத் ஜமாத் நிபந்தனையின் அடிப்படையில் ஆதரவு அளித்ததை தொடர்ந்து இன்று மாலை 4.30 மணியளவில் தவ்ஹீத் பள்ளிக்கு வருகை தந்த தஞ்சை தொகுதியின் அதிமுக வேட்பாளர் திரு கு. பரசுராமன் அவர்கள் தவ்ஹீத் ஜமாத் நிர்வாகிகளை மரியாதை நிமித்தமாக சந்தித்து அவர்களின் ஆதரவை கோரினார்.

சந்திப்பின் போது வேட்பாளரிடம் தவ்ஹீத் ஜமாத் சார்பில் கிளை செயலாளர் அன்வர் அலி அவர்கள் அதிரை பொதுநலன் சார்ந்த கோரிக்கைகளாகிய அகல ரயில் பாதை திட்டம், பாதாள சாக்கடை திட்டம், அரசு மருத்துவமனை 24 மணி நேர சேவை, தீயனைப்பு நிலையம், அரசு ஆம்புலன்ஸ், காலேஜ் முக்கத்தில் வேகத்தடை அமைத்து தருதல், கஸ்டம்ஸ் சாலை சீரமைப்பு உள்ளிட்டவற்றை நிறைவேற்றிதர வேண்டுகோள் வைத்தார். கோரிக்கைகள் அனைத்தையும் தமிழக முதல்வர் செல்வி. செயலலிதா அவர்களின் கவனத்துக்கு எடுத்துச்சென்று நிறைவேற்றி தருவதாக வாக்குறுதி அளித்தார்.

சந்திப்பு நிகழ்ச்சியில் அதிமுக நிர்வாகிகளுக்கு 'மாமனிதர் நபிகள் நாயகம்' என்ற தலைப்பிட்ட புத்தகங்கள் வழங்கப்பட்டது. இதில் அதிமுக மற்றும் தவ்ஹீத் ஜமாத் நிர்வாகிகள் பலர் பங்கேற்றனர்.