டி.ஆர் பாலுவை ஆதரித்து அதிரையில் மு.க ஸ்டாலின் தேர்தல் பிரச்சாரம் ! [ படங்கள் இணைப்பு ]

அதிரை பேருந்து நிலையத்தில் இன்று மாலை 7 மணியளவில் நடைபெற்ற தேர்தல் பிராச்சார கூட்டத்தில் திமுக தஞ்சை தொகுதி வேட்பாளர் டிஆர் பாலுவை ஆதரித்து திமுக கட்சியின் மாநில பொருளாளர் மு.க ஸ்டாலின் உரையாற்றினார். இதில் ஜனநாயக முற்போக்கு கூட்டணி கட்சிகளான மனிதநேய மக்கள் கட்சி, இந்திய யூனியன் முஸ்லீம் லீக், விடுதலை சிறுத்தைகள் கட்சி உள்ளிட்டவை பங்கேற்றனர்.

ஸ்டாலின் தனது பிரச்சார உரையில் திமுகவின் சார்பில் கடந்த ஆட்சியில் அதிரையில் செயல்படுத்தப்பட்ட நலத்திட்டங்களாகிய தரகர்தெரு, கடற்கரைதெரு நீர்தேக்க தொட்டி, பேருந்து நிலையம், அரசு மருத்துவமனை புதிய கட்டிடம், காவலர் குடியிருப்பு புதிய கட்டிடம், வெள்ள நிவாரண உதவிகள் உள்ளிட்டவற்றை குறிப்பிட்டு பேசினார்.

முன்னதாக பேருந்து நிலையத்தில் ஏற்பாடு செய்யப்பட்ட பிரச்சார மேடையில் கூட்டணி கட்சியின் நகர நிர்வாகிகள் உரை நிகழ்த்தினார்கள். நகர செயலாளர் இராம. குணசேகரன் தலைமை வகிக்க, கூட்டணி கட்சியின் நிர்வாகிகள் முன்னிலை வகித்தனர். இதில் அதிரை பேரூராட்சி தலைவர் அஸ்லம், மனிதநேய மக்கள் கட்சியின் அமைப்புச் செயலாளர் மதுக்கூர் ராவுதர்ஷா, முஸ்லீம் லீக் நகர தலைவர்  K. K. ஹாஜா ஆகியோர் உரை நிகழ்த்தியதில் குறிப்பிடத்தக்கவர் ஆவார்கள்.

முன்னதாக மனித நேய மக்கள் கட்சியினர் அதிரைக்கு வருகை தந்த மு.க ஸ்டாலினை, நகர திமுகவினருடன் வண்டிப்பேட்டையிலிருந்து பிரச்சாரம் நடைபெரும் இடமாகிய பேருந்து நிலையம் வரை ஊர்வலமாக வரவேற்று அழைத்து வந்தனர்.

திமுக உள்ளிட்ட கூட்டணி கட்சியினரின் சார்பில் சாலையின் இருபுறமும் மின் விளக்குகளால் ஜோடிக்கப்பட்டு கூட்டணி கட்சியின் கொடிகளும், வரவேற்பு ஃப்ளக்ஸ் பேனர்களும் வைக்கப்பட்டிருந்தன.

இதில் திமுக கட்சியினர், இதர கூட்டணி கட்சியினர்கள் உள்ளிட்ட பொதுமக்கள் திரளாக கலந்துகொண்டார்கள். போலீசார் பாதுகாப்பு பணிகளை மேற்கொண்டார்கள்.