தண்ணீர் எவ்வளவு ஆழத்திலே கிடக்குதுங்க !?

முப்பது வருடங்களுக்கு முன்பெல்லாம் அதிரைக்கு குடிநீரை, உயிர்நீராக தந்து கொண்டிருந்தது மண்ணப்பன் குளமும், சி.எம்.பி லைன் மற்றும் காட்டுக்குளப்பகுதிகளில் ஓங்கி வளர்ந்த தென்னை மரங்களுக்கு இடையில் உருவாகி இருந்த மண் கிணறுகளும்தான், இதை யாராலும் மறக்க முடியாது. இதுதான் உண்மையும்கூட, மண் குடம்களிலும், பானைகளிலும், தண்ணீர் வண்டிகளிலும் தண்ணீரை சுமந்து சென்று விநியோகம் செய்தனர், அன்று தண்ணீருக்கும் நமக்கும் எவ்வளறு தூரம் தெரியுமா? வெறும் கைக்கு எட்டின தூரம் மட்டும்தான்.

1975 களில் நமதூரில் எல்லாக் குளங்களும் நீர் நிரம்பி காணப்பட்டன, பருவ மழையும் தவறாமல் பெய்துவந்தது, நிலத்த்தடி நீர் மட்டமும் கைக்கு எட்டின தூரத்தில் இருந்தது. அந்த நேரத்தில் தான், சி.எம்.பி.லைன் வடமேற்கு எல்லையில் அமைந்துருக்கும் காட்டுக் குளப்பகுதியில் ஆழ்துளை கிணறுகள் தோண்டப்பட்டு நீர் எடுத்து அதிரையின் நாலாபுறமும் விநியோகம் செய்யப்பட்டது.

இன்று எப்படிங்க? மண்ணப்பன் குளங்களும் இல்லை, மண் குடம்களும் இல்லை, மண் கிணறுகளும் இல்லை, குளத்தில் தண்ணீரும் இல்லை, எல்லாக் குளங்களும் வற்றி விளையாட்டு மைதானமாக காட்சி அளிக்கின்றன. மறுப்பக்கம் குடிநீர் தட்டுப்பாடு வேறு, சி.எம்.பி.லைன், மற்றும் காட்டுக் குளப்பகுதிகளில் நிலத்தடி நீர் மட்டம் 110 அடிக்கு கீழ் இறங்கி விட்டது. எல்லோர் வீடுகளிலும் புதுப்புது போர் தோண்டுதல், பழைய போரை சரி செய்தல், போதாக் குறைக்கு மேலும் குழாய்களை இறக்குதல் போன்ற வேலைகள் நடந்து வருகின்றது.

இதெல்லாம் எவ்வளவு நாட்களுக்கு?

அதிரையில் வறண்டுபோன குளங்களில் காட்டுக்குளமும் ஒன்று, அதில் புதியதாக எட்டு இன்ச் அகலத்திற்கு இருநூற்றி ஐம்பது அடி ஆழத்திற்கு ஒரு ஆழ்துளை கிணறு நமது பெரூராட்சியால் தோண்டப்பட்டுள்ளது. இந்த ஆழ்துளை கிணறுக்கு மிக அருகாமையில் குடியிருக்கும் வீடுகளிலும் ஆழ்துளை கிணறுகள் உண்டு, தற்போதைய நீர் மட்டம் நூற்றி பத்து அடி ஆழத்தில் இருக்கின்றது.

இப்படிக்கு .

K.M.A. ஜமால் முஹம்மது.

Consumer & Human Rights.                           

த/பெ. மர்ஹூம். கோ.மு. முஹம்மது அலியார்.

உரிமையாளர், அதிரை 13வாடி, வண்டிப்பேட்டை,