தண்ணீர் திறந்துவிடக்கோரி மேலத்தெரு தாஜுல் இஸ்லாம் சங்க நிர்வாகிகள் பொதுப்பணித்துறை அலுவலருடன் சந்திப்பு !

தண்ணீர் இல்லா வறண்டு காணப்படும் அதிரையின் அனைத்து குளங்களுக்கும் தண்ணீர் திறந்து விடக்கோரி நேற்று முன்தினம் அதிரை பேரூராட்சி தலைவர் - சம்சுல் இஸ்லாம் சங்கம் - தாஜுல் இஸ்லாம் சங்கம்   சார்பில் நிர்வாகிகள் மாவட்ட பொதுப்பணித்துறை செயற்பொறியாளரை சந்தித்து கோரிக்கை மனுக்கள் அளித்தனர்.

மனுக்களை அளிப்பதற்காக அதிரையிலிருந்து நிர்வாகிகள் நேற்று முன்தினம் பிற்பகல் இரண்டு வாகனங்களில் தஞ்சை புறப்பட்டு சென்றனர். இதில் அதிரை பேரூராட்சி தலைவர் SH அஸ்லம், சம்சுல் இஸ்லாம் சங்கம் சார்பில் சாலிஹு, மேலத்தெரு தாஜுல் இஸ்லாம் சங்கம் சார்பில் அதன் துணை தலைவர் PMK தாஜுதீன், செயலாளர் ஜபருல்லாஹ், ராஜிக், அதிரை TIYA தலைவர் ஜமாலுதீன், மன்சூர், சமூக ஆர்வலர்கள் அமீன், வீரையன், திமுக 19 வது வார்டு செயலாளர் நிஜாமுதீன் உள்ளிட்டோர் சென்று இருந்தனர்.

மனுக்களை பெற்றுக்கொண்ட பொதுப்பணித்துறை அலுவலர் விரைவில் அதிரை பகுதிகளுக்கு தண்ணீர் திறந்துவிட நடவடிக்கை மேற்கொள்வதாக நிர்வாகிகளிடம் உறுதியளித்தாக கூறப்படுகிறது.

தாஜுல் இஸ்லாம் சங்கத்தின் கோரிக்கை மனுவில் கூறியிருப்பதாவது...