காதிர் முகைதீன் ஆண்கள் மேல்நிலைப்பள்ளியின் ஆண்டு விழா நிகழ்ச்சியில் சாதனை நிகழ்த்திய மாணவர்கள்-ஆசிரியர்கள் கெளரவிப்பு !

அதிரை காதிர் முகைதீன் ஆண்கள் மேல்நிலைப்பள்ளியின் 66 ஆம் ஆண்டு விழா நிகழ்ச்சி இன்று மாலை 4.30 மணியளவில் பள்ளியின் வளாகத்தில் சிறப்பாக நடைபெற்றது.

விழாவில் தலைமை வகித்த காதிர் முகைதீன் கல்லூரியின் முதல்வர் முனைவர் ஏ. ஜலால் அவர்கள் தலைமையுரை நிகழ்த்தினார். காதிர் முகைதீன் கல்லூரியின் துணை முதல்வர் முனைவர் உதுமான் மொய்தீன் முன்னிலை வகித்து வாழ்த்துரை வழங்கினார். ஆண்டறிக்கையை பள்ளியின் தலைமை ஆசிரியர் ஏ. மஹபூப் அலி வாசித்தார் அதில் பள்ளியின் சார்பில் கல்வியில் விளையாட்டில் மாணவர்கள் - ஆசிரியர்கள் நிகழ்த்திய பல்வேறு சாதனைகளை பட்டியலிட்டார். மேலும் பள்ளி ஆற்றிவரும் சமூக பணிகளையும், பள்ளியின் சார்பில் நிகழ்த்தப்பட்ட சாதனைகளையும் குறிப்பிட்டு பேசினார்.

முன்னதாக பள்ளியின் தமிழ்துறை ஆசிரியர் அஜீமுதீன் வரவேற்புரை ஆற்றினார். சிறப்பு பேச்சாளராக நமதூரை சேர்ந்த பிரபல தொலைக்காட்சி மற்றும் பட்டிமன்ற பேச்சாளர் அண்ணா சிங்கார வேலு சிந்தனை தரும் நகைச்சுவை சிறப்பு சொற்பொழிவை நிகழ்த்தி அனைவரையும் அசத்தினார். நிகழ்சிகள் அனைத்தையும் தமிழ்துறை ஆசிரியர் உமர் பாரூக் இனிய தமிழில் அழகாக தொகுத்து வழங்கினார். 

பள்ளியின் சார்பில் நடப்பாண்டில் கல்வி - விளையாட்டில் சாதனை நிகழ்த்திய ஆசிரிய ஆசிரியைகள், மாணவர்கள், அலுவலக ஊழியர்கள் ஆகியோருக்கு நிகழ்ச்சிக்கு தலைமை மற்றும் முன்னிலை வகித்த காதிர் முகைதீன் கல்லூரியின் முதல்வர் முனைவர் ஏ. ஜலால், துணை முதல்வர் முனைவர் உதுமான் மொய்தீன் ஆகியோரால் சிறப்பு பரிசுகள், பொன்னாடைகள் போர்த்தி கெளரவிக்கப்பட்டது.

இவ்விழாவில் ஊர் முக்கியஸ்தர்கள், பெற்றோர் ஆசிரியர் கழக பொறுப்பாளர்கள், முன்னாள் ஆசிரியர்கள் - மாணவர்கள், பெற்றோர்கள், பள்ளி மாணவர்கள் ஆகியோர் கலந்துகொண்டு சிறப்பித்தனர்.