அதிரை அருகே நிகழ்ந்த மோட்டார் பைக் விபத்தில் ஒருவருக்கு தலையில் பலத்த காயம் !

மதுக்கூரை சேர்ந்தவர் அப்துல் ஸலாம் (வயது 65 ). இன்று காலை மதுக்கூரிலிருந்து அதிரையை நோக்கி தனது இரு சக்கர வாகனத்தில் பயணமானார். வாகனம் மலவேணிக்காடு பாலம் அருகே வந்த போது திடீரென மயங்கி விழுந்து பாலத்தின் கட்டாயத்தில் மோதினார். இதில் தலையில் பலத்த காயம் ஏற்பட்டது. உடனே தமுமுக ஆம்புலன்ஸ்க்கு தகவல் தெரிவிக்கப்பட்டது. சம்பவ இடத்திற்கு மதுக்கூர் மற்றும் அதிரை பேரூர் தமுமுக ஆம்புலன்ஸ்கள் விரைந்து சென்றன. பலத்த காயமடைந்த அப்துல் ஸலாம் மதுக்கூர் தமுமுக ஆம்புலன்ஸில் பட்டுக்கோட்டை அரசு மருத்துவமனைக்கு கொண்டு செல்லபட்டார். அங்கு முதலுதவி சிகிச்சை அளிக்கப்பட்டது. மேற்கோள் சிகிச்சைக்காக தஞ்சை மருத்துவமனையில் அனுமதிக்கப்பட்டுள்ளார். இந்த சம்பவத்தால் மதுக்கூர் - அதிரை சாலை சிறிது நேரம் பரபரப்பாக காணப்பட்டது.

முன்னதாக தகவலறிந்த அதிரை காவல்துறையினர் சம்பவ இடத்திற்கு விரைந்து சென்று விசாரணை நடத்தினர். பலத்த காயமடைந்த அப்துல் சலாமை ஆம்புலன்ஸ் வாகனத்தில் ஏற்றி அனுப்பி வைத்தனர்.