மரைக்கா குளத்தில் தண்ணீர் எடுப்பதை தடுத்து நிறுத்திய அதிரை இளைஞர்கள் !

கடந்த ஆண்டு போதிய மழை பெய்யாததால் அதிரையில் உள்ள குளங்கள் அனைத்தும் வறண்டு காணப்பட்டன. கடந்த சில மாதங்களுக்கு முன்பு பல்வேறு தரப்பினரின் பெரும் முயற்சியின் கீழ் சில குளங்களுக்கு தண்ணீர் கொண்டு வரப்பட்டது. இதில் மரைக்கா குளமும் ஒன்று. இக்குளத்திற்காக கொண்டுவரப்பட்ட தண்ணீர் முழுமையாக நிரம்பவில்லை என்றாலும், இப்பகுதியில் வாழும் பெண்கள் இக்குளத்தை குளிப்பதற்காக பயன்படுத்தி வந்தனர்.

நாளுக்கு நாள் வறண்டு தண்ணீர் குறைந்து வரும் இக்குளத்தில் இன்று காலை தண்ணீரை எடுக்க வந்த டேங்கர் லாரியை இப்பகுதியில் வாழும் இளைஞர்கள் ஒன்றிணைந்து வழிமறித்து விரட்டிவிட்டார்கள்.

இதுகுறித்து அப்பகுதி இளைஞர்கள் நம்மிடம் கூறுகையில்....
தண்ணீர் இல்லாமல் இப்பகுதியினர் மிகுந்த கஷ்டத்துகுள்ளாகி வரும் வேளையில் இன்று காலை வாட்டர் டேங் லாரியில் வந்த சிலர் அதிரையில் நடைபெரும் சாலை பணிக்கு எனக்கூறி மரைக்கா குளத்தில் தண்ணீரை எடுக்க முற்பட்டனர். தகவலறிந்த நாங்கள் தண்ணீரை நிரப்ப விடாமல் அவர்களை தடுத்து நிறுத்தினோம். இதனால் தண்ணீர் எடுத்துச்செல்லும் அவர்களின் எண்ணம் நிறைவேறவில்லை' என்றார்கள்.