மல்லிபட்டினம் கலவரம் தொடர்பாக மதுரை உயர்நீதிமன்ற வழக்கறிஞர் செய்யது அப்துல் காதர் அதிரை செய்தியாளர்களிடம் வழங்கிய பேட்டி [ காணொளி ]

மல்லிப்பட்டினத்தில் நடந்து முடிந்த பாராளுமன்ற தேர்தலுக்கு முன்பு பிரசாரத்தின் போது இருதரப்பினருக்கிடையே மோதல் ஏற்பட்டது. இந்த சம்பவத்தை அடுத்து அவ்வப்போது மோதல்கள் ஏற்பட்டு வந்தது.

மோதலில் ஏற்பட்ட விளைவாக ஏராளமான பொருட்கள் சேதங்கள், அருவாள் வெட்டுகள், இதைதொடர்ந்து காவல்துறையினரின் கைது நடவடிக்கைகள், அப்பகுதியில் போலீசார் குவிப்பு, பல்வேறு அரசியல் கட்சிகளின் நேரடி ஆய்வுகள், நீதி விசாரணை நடத்தகோரி ஐகோர்டில் வழக்கு, கட்சி அலுவலகம் சோதனை இப்படி பரபரப்பாக மல்லிபட்டினம் பகுதி இருந்து வருகிறது.  

இந்நிலையில் மல்லிபட்டினம் கலவரம் மற்றும் அதனை தொடர்ந்து நிகழ்ந்த சம்பவங்களில் கைதானோருக்காக சட்ட உதவிகளை செய்துவரும் மதுரை உயர்நீதிமன்ற வழக்கறிஞர் செய்யது அப்துல் காதர் நேற்று பட்டுகோட்டை நீதிமன்றத்தில் இந்த வழக்குகிற்காக ஆஜாராகியிருந்தார்.

மல்லிபட்டினம் கலவரம் தொடர்பாக தான் மேற்கொண்டு வரும் சட்ட நடவடிக்கை குறித்து விளக்குவதற்காக நேற்று இரவு எஸ்டிபிஐ கட்சி அதிரை அலுவலகத்தில் பிரஸ் மீட் ஏற்பாடு செய்யப்பட்டு இருந்தது. இதில் அதிரையின் பிராதான செய்திகளை வழங்கி வரும் அனைத்து ஊடகங்களும் கலந்துகொண்டன.

பிரஸ் மீட்டின் போது எஸ்டிபிஐ கட்சியின் தஞ்சை தெற்கு மாவட்ட தலைவர் முஹம்மது இல்யாஸ், மாவட்ட செயற்குழு உறுப்பினர் வழக்கறிஞர் நிஜாம் ஆகியோர் உடனிருந்தனர்.