முதல் பரிசை தட்டிச்சென்ற அதிரை AFFA அணி !

அதிரை பீச் பாய்ஸ் & SSMG ஆகியோர் இணைந்து நடத்தும் மாபெரும் எழுவர் கால்பந்து தொடர் போட்டியின் இறுதி ஆட்டம்  இன்று [ 27-06-2014 ] மாலை 5 மணியளவில் நமதூர் கடற்கரைதெரு விளையாட்டு மைதானத்தில் சிறப்பாக துவங்கியது.

இன்றைய ஆட்டத்தில் உள்ளூர் அணிகளான அதிரை AFFA அணியினரும், அதிரை பீச் பாய்ஸ் அணியும் மோதினார்கள். இரு அணிகளும் ஒருவருக்கொருவர் சளைத்தவர்கள் அல்லர் என்பது போல் ஆட்டம் விறுவிறுப்பாக நடைபெற்றது. ஆட்டத்தில் 3 கோல் அடித்து அதிரை AFFA அணியினர் வெற்றி பெற்றனர். AFFA அணியின் கேப்டன் அஸ்ரப் 3 கோல்கள் அடித்து ஹாட்ரிக் சாதனை நிகழ்த்தி தனது அணி இலகுவாக வெற்றிபெற உதவியாக இருந்தார்.

இந்ததொடர் போட்டியில் சிறப்பான ஆட்டத்தை வெளிப்படுத்திய கொய்யாப்பழம் ஆஷிப்புக்கு AFFA நிர்வாகம் சார்பில் கிஃ ப்ட் பேக் பரிசு வழங்கப்பட்டது. ஹாட்ரிக் சாதனை நிகழ்த்திய அதிரை அணியின் கேப்டன் அசரப்புக்கு செக்கடி மேடு அஹமது ஸ்டோர் அனஸ் ரூபாய் 100 வழங்கினார். சம்சுல் இஸ்லாம் இளைஞர் சங்கம் சார்பில் ரூபாய் 200 வழங்கப்பட்டது.

முன்னதாக இன்றைய ஆட்டத்தில் ஒவ்வொரு கோல் அடிக்கும் நட்சத்திர வீரர்கள் ஒவ்வொருவருக்கும் 'அதிரை நியூஸ்' சார்பில் தலா ரூபாய் வீதம் 100 பரிசு வழங்கப்படும் என அறிவிப்பு செய்யப்பட்டது.

அதன்படி 3 கோல்கள் அடித்து ஹாட்ரிக் சாதனை நிகழ்த்திய அதிரை அணியின் கேப்டன் அஸ்ரப்க்கு அதிரை நியூஸ் வழங்கிய  ரூபாய் 300 பரிசை முஹம்மது தமீம் ( ABTA ) வழங்கி பாராட்டுகிறார்.

இதைதொடர்ந்து பரிசளிப்பு நிகழ்ச்சி நடைபெற்றது. இதில் முதல் பரிசை அதிரை AFFA அணியினரும், இரண்டாம் பரிசை அதிரை பீச் பாய்ஸ் அணியினரும் அதிரை பேரூராட்சி உறுப்பினர் பசூல்கான், முஹம்மது தமீம் ஆகியோரிடமிருந்து பெற்றுசென்றனர்  

இன்றைய ஆட்டத்தின் பிராதான அம்பயராக செய்யது புகாரி சிறப்பாக கையாண்டார். இறுதி ஆட்டத்தை காண ஏராளமான விளையாட்டுப் பிரியர்கள் மற்றும் பொதுமக்கள் திரளாக வருகைதந்து ரசித்தனர்.

கம்பீரமாக காட்சியளிக்கும் அதிரை பீச் பாய்ஸ் அணியினர்