குப்பை பொறுக்கும் கோடீஸ்வரர் !

நீங்கள் மில்லியன் டாலர் உடைய கோடீஸ்வரராக இருந்தால் உங்கள் ஓய்வு நேரத்தை எப்படி செலவளிப்பீர்கள் ?  பஹ்ரைனில் தொழில் செய்யும் கொரியாவைச் சார்ந்த திரு.யோ வைப் போன்று நிச்சயம் நீங்கள் செய்ய மாட்டீர்கள்.

ஆம்! பஹ்ரைனில் 11 வருடங்களாக அதிகாலை 5 மணி முதல் கையுறையுடன் குப்பைகளை பொறுக்கும் கிடுக்கியுடனும் தான் வாழும் இடத்தில் சுற்றுப்புறங்களில் உள்ள குப்பைகளை சேகரித்து அதை பல வகையாக பிரித்து சமூக சேவை ஆற்றி வருகிறார் மில்லியனர் யோ. ஏன் இப்படி செய்கிறீர்கள் என்று கேட்ட போது இது எனக்கு விருப்பமானதாக இருக்கிறது என்கிறார்,

தனக்கு இரண்டு பெயர் இருப்பதாகவும், ஒன்று 'யோ' என்றும், மற்றொன்று சுத்தப்படுத்துவதின் தலைவர் என்றும் சந்தோசம் அடைகிறார். குப்பைகளால் மனிதர்கள் நோய்க்கு உள்ளாகுவதாகவும் தனக்கு குப்பைகளை கண்டால் பிடிப்பதில்லை என்றும் ஒரு சிகரெட் துண்டு கிடந்தாலும் அதையும் சுத்தம் செய்ய விரும்புவதாகவும் கூறுகிறார்.

ஒருமுறை யோ தனது அதிகாலை பணியை செய்து கொண்டிருக்கும் போது அங்கு வந்த போலீஸ் என்ன செய்கிறீர்கள் என்று விசாரித்துள்ளார்கள். குப்பை பொறுக்குவதை கூறியவுடன் , இவர் குப்பை பொறுக்கும் முனிசிபாலிடி தொழிலாளி என்று நினைத்து எங்கே கம்பெனி யூனிபார்ம் என்று கேட்டு உள்ளார்கள்.   பின்னர் நிலைமை தெரிந்தவுடன் போலீசார் பாராட்டி உள்ளனர்.
எங்கிருத்தோ வந்து எங்கள் நாட்டில் சுத்தம் பேண இவர் செய்யும் சேவை பஹ்ரைன் இளைஞர்களுக்கு ஒரு முன் மாதிரி என்கின்றனர் பஹ்ரைன் நாட்டவர்.

இந்தியாவின் சுத்தத்தின் முக்கியத்தை உணர்ந்து பிரதமரே "சுவாச் பாரத்" திட்டம் கொண்டு வந்துள்ளார். வீட்டை கூட்டி குப்பைகளை வெளியே ரோட்டில் தள்ளும் நமது ஊரில் இவர் போல் சமூக சேவகர்கள் வந்தால் தான் நமதூர் குப்பை பிரச்சினைக்கு தீர்வு வரும். ஒவ்வொருவரும் தனது வீட்டின் முன் குப்பை சேராமல் சுத்தமாக வைத்திருந்தாலே ஊர் முழுமையும் சுத்தம் பெற்றுவிடும்.

 

 

நன்றி:கீழக்கரை டைம்ஸ்