முஹம்மது ஆஷிப்க்கு சிறந்த விளையாட்டு வீரர் விருது !

அதிரை சுற்றுவட்டார பகுதியின் பல்வேறு துறைகளை சார்ந்த சாதனையாளர்களை இனங்கண்டு அவர்களின் பணிகளை ஊக்கப்படுத்தும் நோக்கில் 'அதிரை நியூஸ் கல்வி விருது - சாதனையாளர்கள் விருது 2015' என்ற பெயரில் விருது வழங்கும் விழா நேற்று மாலை அதிரை பேருந்து நிலையம் அருகே உள்ள சாரா திருமண மஹாலில் நடைபெற்றது.

கால்பந்தாட்டம் – ஓட்டப்பந்தயம் போட்டிகளில் மாவட்டம் மற்றும் வட்டார அளவில் பல்வேறு போட்டிகளில் கலந்துகொண்டு சாம்பியன் பட்டங்களை தொடர்ந்து பெற்று வருவது. தனது 14 வயதில் தமிழக அளவில் ஹோசூரில் நடைபெற்ற கால்பந்தாட்ட  போட்டியில் விளையாட தேர்வானது. மாவட்டம் மற்றும் மண்டல அளவில் நடைபெற்ற 100 மீட்டர் மற்றும் 200 மீட்டர் ஓட்ட பந்தய போட்டிகளில் கலந்து கொண்டு சாம்பியன் பட்டத்தை தட்டிச்சென்றது. உள்ளூர் கால்பந்தாட்ட AFFA அணியில் கலந்துகொண்டு ஹாட்ரிக் சாதனை நிகழ்த்தியது உள்ளிட்ட சாதனைகளுக்காக விருது வழங்கப்பட்டது. இந்த விருதை அண்ணா பல்கலைகழக உறுப்பு பொறியியல் கல்லூரி புல முதல்வர் முனைவர் இளங்கோவன் வழங்கி பாராட்டு தெரிவித்தார்.

மேலும் சென்னை விக்டரி ஸ்போர்ட்ஸ் உரிமையாளர் இக்பால் சார்பில் சுழற்கோப்பை பரிசளிக்கப்பட்டது. சிறந்த விளையாட்டு வீரர் விருது பெற்ற எம்.எஸ் முஹம்மது ஆஷிப்பை நிகழ்ச்சியில் கலந்துகொண்ட அனைவரும் வாழ்த்து தெரிவித்தனர்.