அதிரை பேரூர் தமுமுகவின் மனித நேயம்!

அதிரையில் கடந்த 15 ஆண்டுகளாக வசித்து வருபவர்  அப்துல்லா ( வயது 65 ). தேவிபட்டினத்தை சேர்ந்த இவர் அதிரையில் மீன் பிடி தொழில் செய்து வந்தார். இந்நிலையில் இன்று காலை அதிரை அருகே உள்ள கீழத்தோட்டம் கிராமத்தில் உடல் நலக்குறைவால் மரணமடைந்து விட்டார்.

இன்னா லில்லாஹி வ இன்னா இலைஹி ராஜிவூன்.

தகவலறிந்த அதிரை பேரூர் தமுமுக நிர்வாகிகள் நேரடியாக சம்பவ இடத்திற்கு விரைந்து சென்று உடலை மீட்டு தமுமுக ஆம்புலன்ஸ் மூலம் தக்வா பள்ளிக்கு கொண்டு வந்தனர். ஜனாஸா கடமைகள் முடிந்தவுடன் தக்வா பள்ளி மையவாடியில் நல்லடக்கம் செய்யப்பட்டது.

அன்னாரின் மறுமை வாழ்வு சிறக்க துவா செய்வோம்.

அதிரை பேரூர் தமுமுகவினர் நேரடியாக களத்தில் இறங்கி ஜனாஸா நல்லடக்கம் செய்ய தேவைப்படும் அனைத்து பணிகளையும் உடனிருந்து செய்து முடித்தனர். ஓடோடி சென்று உதவும் இவர்களின் மனித நேயத்தை பலரும் வியந்து பாராட்டினர்.