இமாம் ஷாஃபி மெட்ரிக் மேல்நிலைப்பள்ளிக்கு சிறந்த கல்வி நிறுவனம் விருது !

அதிரை சுற்றுவட்டார பகுதியின் பல்வேறு துறைகளை சார்ந்த சாதனையாளர்களை இனங்கண்டு அவர்களின் பணிகளை ஊக்கப்படுத்தும் நோக்கில் 'அதிரை நியூஸ் கல்வி விருது - சாதனையாளர்கள் விருது 2015' என்ற பெயரில் விருது வழங்கும் விழா நேற்று மாலை அதிரை பேருந்து நிலையம் அருகே உள்ள சாரா திருமண மஹாலில் நடைபெற்றது.

இமாம் ஷாஃபி மெட்ரிக் மேல்நிலைப்பள்ளி, அதிரை
அதிரையில் 42 ஆண்டுகால ஆங்கில வழிக்கல்வி சேவை, பள்ளியில் தீனியாத் கல்வி, அஸ்மா உல் ஹுஸ்னா மனனம், மாணவ மாணவிகளுக்கு அரசு கல்வி உதவித்தொகை பெற்று தருதல், பெற்றோர் – ஆசிரியர்  கழகத்தின் சார்பில் கலந்தாய்வுக்கூட்டம், ஆசிரியர் சேமநிதித் திட்டம், மாணவ மாணவிகளுக்கு திறனாய்வு போட்டிகள், பள்ளியில் நடத்தப்படும் இலக்கிய மன்றம், பள்ளியில் நூலகம் , சாரண மாணவர் அமைப்பு, தேசிய பசுமை படை அமைப்பு, குர் ஆன் ஓதல் மற்றும் மற்றும் மனனப் பயிற்சி வகுப்புகள், ஹிந்தி பயிற்சி உள்ளிட்டவை செயல்படுத்தப்படும் பணிக்காக இமாம் ஷாஃபி மெட்ரிக் மேல்நிலைப்பள்ளிக்கு வழங்கப்பட்டது. விருதை பள்ளி முதல்வர் ஆஃப்தா பேகம் வாங்கினார். இவற்றை அண்ணா பல்கலைகழக உறுப்பு பொறியியல் கல்லூரி புல முதல்வர் முனைவர் இளங்கோவன் வழங்கி பாராட்டு தெரிவித்தார்.

சிறந்த கல்வி நிறுவனம் விருதை பெற்ற இமாம் ஷாஃபி மெட்ரிக் மேல்நிலைப்பள்ளியின் முதல்வர் ஆஃப்தா பேகம் அவர்களுக்கு நிகழ்ச்சியில் கலந்துகொண்ட அனைவரும் வாழ்த்து தெரிவித்தனர்.