தமீமுன் அன்சாரி தலைமைக்கு ஆதரவு: ஷார்ஜாவில் ஆதரவாளர்கள் நடத்திய கூட்டத்தில் முடிவு !

தமீமுன் அன்சாரி தலைமையில் செயல்படக்கூடிய மனிதநேய மக்கள் கட்சிக்கு முழு ஆதரவு அளிப்பதாக இவரது ஆதரவாளர்கள் ஷார்ஜாவில் நடத்திய கூட்டத்தில் முடிவு செய்தனர்.

அமீரகம் ஷார்ஜா மண்டலத்தில் தமீமுன் அன்சாரி ஆதரவாளர்களின் கூட்டம் கடந்த 05-11-2015 அன்று நடைபெற்றது.

கூட்டத்திற்கு தமுமுக-மமக அமீரக துணைச் செயலாளரும், ஷார்ஜா மண்டல பொறுப்பாளருமான மதுக்கூர் அப்துல் காதர் தலைமை வகித்தார். அதிரை அஷரப் அலி, தோப்புத்துறை அபுல் ஹசன், நெல்லிக்குப்பம் இக்பால், அடியக்க மங்களம் யூசுப் ஆகியோர் முன்னிலை வகித்தனர்.

கூட்டத்தில் கீழ்க்கண்ட தீர்மானங்கள் நிறைவேற்றப்பட்டன.
1. தமுமுக தான் நமது தாய்க்கழகம் என்றும், மமக அதன் அரசியல் பிரிவு என்பதையும், தமுமுக தலைமையில் சமுதாய மற்றும் மார்க்க பணிகளை வீரியத்துடன் எடுத்து செல்வது.

2. ஒற்றுமைக்காக அமீரக நிர்வாகம் எடுக்கக்கூடிய அனைத்து முயற்சிகளுக்கும் முழுமையான ஒத்துழைப்பு வழங்குவது.

3. தாம்பரம் பொதுக்குழுவில் தகுந்த காரணங்களும், ஆதாரங்களும் இல்லாமல் மமக நிர்வாகத்தைக் கலைத்து விட்டு, புதிய நிர்வாகத்தை
ஷார்ஜா மண்டலம் ஏற்க மறுக்கிறது.

4.  தகுந்த காரணங்களும் ஆதாரங்களும் நிருபிக்கப்படும் வரை, மாநில பொது செயலாளர் தமீமுன் அன்சாரி தலைமையில் செயல்படக்கூடிய மமக - வுக்கு முழு ஆதரவு என ஏகமனதாக முடிவு செய்யப்பட்டது.

ஷார்ஜா மண்டலத்தின் அனைத்து கிளைகளிலும் இந்த நிலைத் தொடர்வது என தீர்மானிக்கப்பட்டது. கூட்டத்தில் அமீரகம் ஷார்ஜா மண்டல தமீமுன் அன்சாரி ஆதரவாளர்கள் பலர் கலந்துகொண்டனர்.

செய்தி மற்றும் படங்கள்:
அதிரை அஷ்ரப் அலி