செக்கடி பள்ளியில் நடைபெற்ற மக்தப் முதலாம் ஆண்டு விழா நிகழ்ச்சி !

நமதூர் செக்கடி பள்ளியில் இன்று காலை 9 மணி முதல் பகல் 1 மணி வரை மக்தப் முதலாம் ஆண்டு விழா நிகழ்ச்சி நடைபெற்றது.

அப்துல் ஹாதி ஆலிம் அவர்களின் தலைமையில் நடைபெற்ற இந்த நிகழ்ச்சியில் பள்ளி மாணவர்கள் பங்கேற்று இஸ்லாமிய மார்க்க அறிவுத்திறன் போட்டிகளில் கலந்துகொண்டு தனித்திறமையை நிருபித்தனர்.

இந்நிகழ்ச்சியில் சிறப்பு விருந்தினராக கலந்து கொண்ட பேராசிரியர் முஹம்மது அப்துல் காதர் இஸ்லாமிய மார்க்க சிறப்பு சொற்பொழிவு ஆற்றி வெற்றி பெற்ற மாணவர்களுக்கு பரிசுகளை வழங்கி கெளரவித்தார்.

மாணவர்களுக்கு செக்கடிபள்ளியிலும், மாணவிகளுக்கு சம்சுல் இஸ்லாம் சங்க அலுவலத்திலும் தனித்தனியே போட்டிகள் நடைபெற்றது. இதில் ஏராளமான மாணவ மாணவிகள் மற்றும் பெற்றோர்கள் கலந்துகொண்டு சிறப்பித்தனர்.