ரூ 325.7 கோடியில் பட்டுக்கோட்டை - தஞ்சை புதிய ரயில் பாதை !

பட்டுக்கோட்டை - தஞ்சை புதிய ரயில் பாதை திட்ட பணிகளை விரைந்து நடைமுறைபடுத்த வேண்டும் என தெற்கு ரயில்வே பொது மேலாளரிடம் இந்திய கம்யூனிஸ்ட் கட்சியின் தஞ்சை மாவட்ட செயலாளர் திருஞானம் அனுப்பிய கோரிக்கை மனுவுக்கு தெற்கு ரயில்வே முதன்மை நிர்வாக அதிகாரி அனுப்பியுள்ள பதில் கடிதத்தில், பட்டுக்கோட்டை - தஞ்சை வழித்தடத்தில் ஒரத்தநாடு வழியாக புதிய ரயில் பாதை அமைக்கவும், போக்குவரத்து தொடங்கவும் ஆய்வுப்பணிகள் நடைபெற்று, அதன் விரிவான அறிக்கை கடந்த அன்று ரயில்வே வாரியத்திடம் அளிக்கப்பட்டது. சுமார் 47.20 கிலோ மீட்டர் தொலைவுள்ள இந்த வழித்தடத்தில், புதிய ரயில் பாதை அமைக்க ரூ 325.7 கோடிக்கு மதிப்பீடு செய்யப்பட்டுள்ளது. 2013 ஜனவரி மாதத்தில் இந்த திட்டத்துக்கு ஒப்புதல் வழங்கப்பட்டுள்ளது என அந்த கடிதத்தில் தெரிவிக்கப்பட்டுள்ளது.