சவுதியில் இறந்த அதிரை வாலிபரை மீட்க பெற்றோர் கோரிக்கை !

சவூதி அரேபியாவில் இறந்த மகனின் உடலை மீட்டு தரக்கோரி தஞ்சையில் நடந்த குறைதீர் கூட்டத்தில் பெற்றோர் மனு கொடுத்தனர்.

அதிரை மிலாரிக்காடு பகுதியை சேர்ந்தவர் நடராஜன். இவரது ஒரே மகன் சுரேஷ் ( வயது 29 ) இவர் கடந்த 4 ஆண்டுகளுக்கு முன்பு சவூதி அரேபியாவுக்கு வேலைக்கு சென்றார்.  கடந்த 2 ம் தேதி அன்று போனில் தொடர்பு கொண்டு பிப்ரவரி மாதம் இறுதிக்குள் ஊருக்கு வருவதாக கூறியிருக்கிறார். அதன் பின்னர் எந்த தகவலும் இல்லை.

இந்நிலையில் கடந்த 15 ம் தேதி எனது மகன் பேசிய போனில் தொடர்பு கொண்டோம். அப்போது கடந்த 10 நாட்களுக்கு முன்பு எனது மகன் மற்றும் திருச்சியை சேர்ந்த அவரது நண்பர் இறந்துவிட்டதாக கூறினர். எப்படி இறந்தார் என்பது எங்களுக்கு தெரியவில்லை. எனவே எனது மகனின் உடலை மீட்டுத்தர வேண்டும்' என்று தெரிவித்துள்ளனர்.