விளையாட்டு போட்டிகளில் சாதனை நிகழ்த்திய காதிர் முகைதீன் மேல்நிலைப்பள்ளி மாணவர்கள் கெளரவிப்பு !

தமிழ்நாடு விளையாட்டு மேம்பாட்டு ஆணையம் சார்பில், நாகபட்டினம் எஸ்டிஏடி ஸ்டேடியத்தில் பல்வேறு மாவட்டங்களை சேர்ந்த பள்ளிகள் கலந்து கொண்ட விளையாட்டு போட்டிகள் நடத்தப்பட்டது. இதில் நமதூர் காதிர் முகைதீன் ஆண்கள் மேல்நிலைப்பள்ளியின் மாணவர்கள் கலந்து கொண்டு பல்வேறு போட்டிகளில் விளையாடினர்.

இதில் ஓட்டப்போட்டிகளில் எட்டாம் வகுப்பு மாணவர் பி. முத்துராஜ் முதல் இடத்தையும், ஆறாம் வகுப்பு மாணவர் அப்சர்கான் மூன்றாம் இடத்தையும், ஏ. எழாம் வகுப்பு மாணவர் அஜ்மல்கான் ஆறாம் இடத்தையும், உயரம் தாண்டுதல் போட்டியில் எம்.முரளிதரன், பி.அப்சர் ஆகியோர் வெற்றி பெற்று சான்றிதல் மற்றும் ரொக்கப் பரிசுகளை பெற்றனர்.

இதையடுத்து வெற்றி பெற்ற மாணவர்களை கெளரவிக்கும் வகையில் பள்ளியில் இன்று காலை நடைபெற்ற பிரார்த்தனை கூட்டத்தில் பாராட்டு தெரிவிக்கப்பட்டு பரிசுகள் வழங்கப்பட்டது. இதில் பள்ளியின் தலைமையாசிரியர் ஹாஜி ஏ. மஹபூப் அலி. முதுகலை ஆசிரியர் நாகராஜன், கணேஷன், அஜுமுதீன், உடற்கல்வி ஆசிரியர்கள் ராஜா, ஜெயகாந்தன் மற்றும் 'அதிரை நியூஸ்' நிர்வாகி இத்ரீஸ் அஹமது ஆகியோர் பரிசுகளை வழங்கி பாராட்டுகளை தெரிவித்துக்கொண்டனர்.

பள்ளிக்கு பெருமை சேர்த்து தந்த மாணவர்களுக்கு ஆசிரியர்கள், அலுவலக பணியாளர்கள், சக மாணவர்கள் பலரும் பாராட்டு தெரிவித்தனர்.