அதிரையில் கல்லூரி முன்பாக தமாகா விற்கு உறுப்பினர்கள் சேர்க்கும் பணி தீவிரம் !

தமிழ் மாநில காங்கிரஸ் கட்சியை மீண்டும் ஜி.கே.வாசன் தொடங்கிய பிறகு, உறுப்பினர் சேர்க்கை பணி தீவிரமாக நடந்து வருகிறது.

தமிழ்மாநில காங்கிரஸ் கட்சியில் மாணவர்களை உறுப்பினராக சேர்க்கும் பணியில் தமிழ்மாநில காங்கிரஸ் கட்சியினர் தீவிரமாக ஈடுபட்டனர். இன்று காலை அதிரையில் அமைந்துள்ள கல்லூரி முன்பாக நடைபெற்ற உறுப்பினர்கள் சேர்க்கும் முகாமில் எம்.எம்.எஸ் அப்துல் கரீம் தலைமை வகித்தார். தஞ்சை பாராளுமன்ற தொகுதி இளைஞர் அணி தலைவர் ஜி. பிரபு, பட்டுக்கோட்டை சட்டமன்ற தொகுதி இளைஞர் அணி பொதுச்செயலாளர் செந்தில், பட்டுக்கோட்டை சட்டமன்ற தொகுதி இளைஞர் அணி தலைவர் தர்மராஜ், தமிழ்மாநில காங்கிரஸ் கட்சியின் அதிரை நகர செயலாளர் சிங்காரவேலு ஆகியோர் முன்னிலை வகித்தனர்.

இன்றைய முகாமில் ஏராளமான இளைஞர்கள் தமிழ் மாநில காங்கிரஸ் கட்சியில் இணைந்தனர். மாணவ மாணவிகளுக்கு துண்டு பிரசுரங்கள் விநியோகிக்கப்பட்டது.