திருவாரூர் - காரைக்குடி அகல ரயில்பாதை திட்டம்: களத்தில் தீவிரமாக இறங்கும் முத்துப்பேட்டை கூட்டு நடவடிக்கை குழு !

முத்துப்பேட்டை கூட்டு நடவடிக்கை குழு சார்பில், பல ஆண்டுகளாக கிடப்பில் போடப்பட்ட திருவாரூர் - காரைக்குடி வரையிலான அகல ரயில் பாதை திட்டப் பணியை விரைந்து முடித்து தருதல் தொடர்பாக ஆலோசனைக் கூட்டம் நடைபெற்றது.

கூட்டத்திற்கு என். ஜீவானந்தம் தலைமை வகித்தார். இதில் இந்திய பிரதமர், இரயில்வே அமைச்சர், மாநில முதலமைச்சர், அரசியல் கட்சி தலைவர்கள், சம்பந்தபட்ட பகுதிகளின் பாராளுமன்ற உறுப்பினர்கள், சட்டமன்ற உறுப்பினர்கள், இரயில்வே மண்டல மேலாளர் ஆகியோருக்கு தனித்தனியே கடிதம் அனுப்பி அகல ரயில் பாதை திட்ட பணியை உடனடியாக துவங்க நடவடிக்கை எடுக்க வலியுறுத்துவது எனவும், இந்த பிரச்சனையை அனைவரின் கவனத்திற்கு எடுத்து செல்லும் வகையில் முத்துப்பேட்டையில் பகுதி நேர அடையாள கடை அடைப்பு செய்வது எனவும் தீர்மானிக்கப்பட்டது.

இந்த கூட்டத்தில் ராஜ்மோகன், ஆர் கே பி நடராஜன், 'சூனா ஈனா' சுல்தான் இப்ராஹீம், செல்லத்துரை, சஜ்ஜாத் ஹைதர், அஜீஸ், ராஜாராம், ஜெயபால், சம்சுதீன் உள்ளிட்ட ஏராளமான சமூக ஆர்வலர்கள் கலந்துகொண்டனர்.

கூட்ட தீர்மானத்தின் படி முத்துப்பேட்டையில் வர்த்தகர்கள் பகுதி நேர அடையாள கடைகள் அடைப்பு போராட்டத்தில் ஈடுபட்டனர்.