இமாம் ஷாஃபி மெட்ரிக் மேல்நிலைப் பள்ளியின் ஆண்டு விழா நிகழ்ச்சியில் சாதனை நிகழ்த்திய மாணவர்கள் - ஆசிரியர்கள் கெளரவிப்பு !

அதிரை இமாம் ஷாஃபி மெட்ரிக் மேல்நிலைப்பள்ளியின் 41 ஆம் ஆண்டு விழா நிகழ்ச்சி இன்று மாலை பள்ளியின் வளாகத்தில் சிறப்பாக நடைபெற்றது.

பள்ளியின் நிர்வாக பொருளாளர் ஹாஜி ஏ. அஹமது இப்ராஹீம் நிகழ்ச்சியில் தலைமையுரை ஆற்றினார். விழாவில் சிறப்பு விருந்தினராக கலந்துகொண்ட ராஜாமடம் அண்ணாமலை தொழில்நுட்ப பல்கலைகழக டீன் ஜி. இளங்கோவன் அவர்கள் ஆண்டு விழா உரை நிகழ்த்தினார். இதில் 'தொழிற்கல்வி - உயர்கல்வி' ஆகியன குறித்து மாணவர்கள் - பெற்றோர்களிடேயே விளக்கி கூறினார். 

இதன் பின்னர் கல்வியில் சாதனை நிகழ்த்திய பள்ளி மாணவ மாணவிகளுக்கு, ஆசிரியர் ஆசிரியைகள் - அலுவலக பணியாளர்கள் ஆகியோருக்கு பரிசுகள் வழங்கி பாராட்டு தெரிவிக்கப்பட்டது. இதையடுத்து பள்ளி மாணவ மாணவிகளின் அறிவுத்திறன் நிகழ்சிகள் நடைபெற்றது.

முன்னதாக பள்ளியின் மூத்த முதல்வர் பேராசிரியர் பர்கத் வரவேற்புரை ஆற்றினார். பள்ளியின் ஆண்டறிக்கையை பள்ளியின் முதல்வர் ஆசிரியை திருமதி எஸ் ஆஃப்தாப் பேகம் வாசித்தார். இதில் பள்ளியின் சார்பில் கல்வியில் மாணவ மாணவிகள் - ஆசிரியைகள் நிகழ்த்திய பல்வேறு சாதனைகளை பட்டியலிட்டார். மேலும் பள்ளியின் சார்பில் நடத்தப்பட்ட சமூக விழிப்புணர்வு பணிகளையும் குறிப்பிட்டு பேசினார். நிகழ்ச்சிகள் அனைத்தையும் தமிழாசிரியர் பார்த்த சாரதி மற்றும் இத்ரீஸ் அஹமது ஆகியோர்  தொகுத்து வழங்கினார்கள். நிகழ்ச்சியின் இறுதியில் ஏ. யாசர் அரபாத் நன்றியுரை நிகழ்த்தினார்.

இந்த விழாவில் பள்ளியின் நிர்வாகிகள், ஊர் பிரமுகர்கள், பெற்றோர் ஆசிரியர் கழக பொறுப்பாளர்கள், முன்னாள் ஆசிரியர்கள் -பள்ளி அலுவலர்கள் - பெற்றோர்கள், மாணவ, மாணவிகள் கலந்துகொண்டு சிறப்பித்தனர்.