காணாமல் போன அதிரை வாலிபர் மீட்பு !

அதிரை காலியார் தெருவை சேர்ந்தவர் முஹம்மது இஸ்மாயில். இவரது மகன் ஜமால் முஹம்மது [ வயது 38 ] நமதூர் ரஹ்மானியா மதராஸாவில் ஆலிம் பட்டம் பெற்றவர். காலியார் தெருவில் உள்ள தமது இல்லத்தில் குடும்பத்தினருடன் வசித்து வந்தார். சற்று உடல் நிலை பாதிப்படைந்து காணப்பட்டார்.

மருத்துவ சிகிச்சைக்காக கடந்த 26-02-2015 அன்று மதியம் பட்டுக்கோட்டை சென்றவர் கடந்த 3 நாட்களாக ஊர் திரும்பவில்லை. இவரது குடும்பத்தினர் பல்வேறு இடங்களில் தொடர்ந்து தேடி வந்தனர். இந்நிலையில் இன்று இரவு 8.30 மணியளவில் பட்டுக்கோட்டை பண்ணைவயல் ரோட்டில் தென்பட்டுள்ளார். அந்தவழியே சென்ற சம்பைபட்டினத்தை சேர்ந்த சைபுல்லாஹ் என்ற சகோதரர் மீட்டு குடும்பத்தினரிடம் ஒப்படைத்தார். நலமுடன் ஊர் திரும்பியதை அடுத்து இவரது குடும்பத்தினர் நேரில் சென்று நலம் விசாரித்து வருகின்றனர்.