அதிராம்பட்டினம் லயன்ஸ் சங்கம் சார்பில், தொடர் சேவைத் திட்டங்கள் கடந்த செப்.17 ந் தேதி தொடங்கி வரும் செப்.30 ந் தேதி வரை நடைபெற உள்ளது.
அதன் ஒரு பகுதியாக, அதிராம்பட்டினம் லயன்ஸ் சங்கம், அதிரை கிரசண்ட் பிளட் டோனர்ஸ் (CBD) அமைப்பு, அதிராம்பட்டினம் காவல்துறை ஆகியோர் இணைந்து, சாலை பாதுகாப்பு விழிப்புணர்வு பிரச்சாரம் அதிரை பேருந்து நிலையம் அருகில் இன்று (செப்.22) சனிக்கிழமை காலை நடைபெற்றது.
நிகழ்ச்சிக்கு, அதிராம்பட்டினம் லயன்ஸ் சங்கத் தலைவர் பேராசிரியர் எம்.ஏ முகமது அப்துல் காதர் தலைமை தாங்கினார். அதிரை காவல் நிலைய உதவி ஆய்வாளர் ராஜேஷ், கிரசண்ட் பிளட் டோனர்ஸ் அமைப்பின் அதிரை செயலாளர் ஏ.அப்துல் மாலிக் ஆகியோர் முன்னிலை வகித்தனர்.
இதையொட்டி, சாலைகளில் சென்ற வாகனங்களின் முகப்பு விளக்குகளில் நடுவே கருப்பு வில்லைகள் ஒட்டப்பட்டன. மேலும், சாலை பாதுகாப்பு விழிப்புணர்வு துண்டு பிரசுரங்கள் பொதுமக்களுக்கு விநியோகம் மற்றும் ஒலிப்பெருக்கி பிராச்சாரம் மேற்கொள்ளப்பட்டன.
இந்நிகழ்ச்சியில், அதிராம்பட்டினம் லயன்ஸ் சங்கச் செயலர் எம்.அப்துல் ரஹ்மான், பொருளாளர் எம்.ஏ அப்துல் ஜலீல், லயன்ஸ் சங்க மாவட்டத் தலைவர்கள் ஹாஜி எஸ்.எம் முகமது முகைதீன், எம். சாகுல் ஹமீது, ஆர்.செல்வராஜ், கண்ணன், அப்துல் காதர், கிரசண்ட் பிளட் டோனர்ஸ் (CBD) அமைப்பின் அதிரை, மதுக்கூர் பகுதிகளின் உறுப்பினர்கள் மற்றும் சுற்றுச்சூழல் மன்ற நிர்வாகிகள் எம்.எப் முகமது சலீம், பேராசிரியர் ஏ. ஹாஜா அப்துல் காதர் ஆகியோர் கலந்துகொண்டனர். நிகழ்ச்சி முடிவில், லயன்ஸ் சங்க மாவட்டத் தலைவர் பேராசிரியர் கே. செய்யது அகமது கபீர் நன்றி கூறினார்.
No comments:
Post a Comment
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் கேட்டுக்கொள்கிறோம்.
1. கருத்து பகுதியில் கருத்துரிமை என்ற அடிப்படையில் வாசகர்கள் இடும் பின்னூட்டங்கள் மட்டுறுத்தலின்றி அனுமதிக்கப்படுகிறது.
2. இங்கு பதிவாகும் கருத்துக்கள் வாசகர்களின் சொந்த கருத்துக்களே. அதிரை நியூஸின் கருத்துகள் அல்ல. வாசகர் பதியும் கருத்துக்கு அவரே முழுப் பொறுப்பு.
3. கருத்து பகுதியில் நாகரிகமற்ற வார்த்தைகள் பயன்படுத்துவதை வாசகர்கள் தவிர்க்க வேண்டுகிறோம். மேலும் வசை மொழிகள் / தகாக் கருத்துக்கள் / Anonymous - முன்னறிவிப்பின்றி நீக்கப்படும்.
4. தனிநபர் தாக்குதல் அடங்கிய கருத்துகளை வாசகர்கள் பதிவு செய்வதை யாரேனும் சுட்டிக் காட்டினால், அத்தகைய கருத்துகள் உடனடியாக நீக்கப்படும்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் கேட்டுக்கொள்கிறோம்.