அதிரையில் கொண்டை கடலை விற்பனை செய்யும் வாய் பேச இயலாத 'முஹம்மது யூசுப்' மரணம் !

அதிரை காட்டுப்பள்ளி தெருவை சேர்ந்தவர் முஹம்மது யூசுப் ( வயது 70 ). வாய் பேச இயலாத மாற்று திறனாளி. இவர் தனது சிறுதொழிலாக அதிரை சுற்று வட்டாரப்பகுதியில் கொண்டை கடலை வியாபாரம் செய்து வந்தார். அவ்வபோது கஞ்சி வியாபாரமும் செய்து வந்தார்.  உடல்நிலை குன்றியதால் சிறிது காலம் வியாபாரம் செய்வதை நிறுத்தி இருந்தார். இந்நிலையில் இன்று இரவு வஃபாத்தாகி விட்டார்.

இன்னாலில்லாஹி வ இன்னா இலைஹி ராஜிவூன்

அன்னாரின் ஜனாஸா இன்று இரவு 9 மணியளவில் பெரிய ஜும்மா பள்ளி மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துவா செய்வோம்.

இவரை பற்றிய சிறு குறிப்பு:
வியாபரத்தின் போது குழந்தைகள் மீது அளவு கடந்த பாசத்தை பொழிபவர். இவர்களுக்கு கை நிறைய கொண்டைக் கடலையை அன்பளிப்பாக அள்ளி வழங்குபவர். அனைவரிடமும் நட்புடன் பழகுவதில் இனிமையானவர். நேரம் கிடைக்கும் போது அக்கம் பக்கத்தினருக்கு சிறு சிறு வேலைகளை செய்து கொடுப்பார். இவருக்கு மனைவி குழந்தைகள் என்று யாருமில்லை தனிமையில்தான் வசித்து வந்தார். இவருக்கு வேண்டிய உதவிகளை அக்கம் பக்கத்தினர் செய்து வந்தது குறிப்பிடதக்கது.