அதிரை பகுதிகளில் பரவலாக மழை: மீனவர்கள் மீன்பிடிக்க செல்லவில்லை !

தென் மேற்கு வங்க கடலில் இலங்கை கடற்கரை பகுதியில் உருவான குறைந்த காற்றழுத்த பகுதியும், தென்கிழக்கு வங்க கடலில் அந்தமானுக்கு அருகே உருவான குறைந்த காற்றழுத்த நிலையும் தற்போது ஒன்றாக இணைந்து விட்டது. இதனால் காற்றழுத்த தாழ்வு வலுவடைந்து புயல் சின்னமாக மாறும். எனவே 48 மணி நேரத்தில் கடலோர மாவட்டங்களில் கன மழை பெய்யும் என்று சென்னை வானிலை ஆய்வு மையம் நேற்று தெரிவித்தது.

இந்த நிலையில் அதிரையில் இன்று அதிகாலை முதல் மழை பெய்து வருகிறது. பின்னர் தூறல் மழை பெய்து வருகிறது. இந்த மழை காரணமாகவும், கடல் சீற்றம் காரணமாகவும் அதிரை சுற்றுவட்டார பகுதிகளின் மீனவர்கள் இன்று மீன்பிடிக்க கடலுக்கு செல்லவில்லை. பொதுமக்களின் இயல்பு வாழ்க்கை பாதிக்கப்பட்டுள்ளது. வீதிகளில் மக்கள் நடமாட்டம் குறைந்து காணப்பட்டது.