பழுதடைந்த அதிரை பேருந்து நிலைய சாலையை சீரமைக்க மீண்டும் கோரிக்கை !

அதிரையில் கடந்த சில நாட்களாக பெய்த தொடர் மழையால் அதிரை பேருந்து நிலைய சாலை குண்டும் குழியுமாக காட்சியளித்து வருகிறது. ஆங்காங்கே தண்ணீரும் தேங்கி காணப்படுகிறது. இது குறித்து கடந்த முறை பல்வேறு தரப்பினர் நெடுஞ்சாலை துறையினரின் கவனத்துக்கு எடுத்துச்சென்றனர். இதையடுத்து குண்டு குழியுமாக காட்சியளித்த பகுதியில் கிராவல் ஜல்லி கொட்டப்பட்டது. அடுத்தடுத்து பெய்த தொடர் மழையால் மீண்டும் சாலை குண்டு குழியுமாக காட்சியளித்து வருகிறது. இதனால் சிறு சிறு வாகன விபத்துகளும் ஏற்பட்டு வருகிறது. இப்பகுதியில் வர்த்தகர்களும், இந்த சாலை வழியே செல்லும் பொதுமக்களும், பள்ளி கல்லூரி செல்லும் மாணவ மாணவிகளும் மிகவும் அவதியுற்று வருகின்றனர். சம்பந்தபட்ட நெடுஞ்சாலை துறையினர் பழுதடைந்த பேருந்து நிலைய சாலையை சீரமைக்க உடனடி நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

செய்தி மற்றும் படங்கள்:
கே கே யூசுப்