கடல் போல் காட்சியளிக்கும் செக்கடி குளம் ! [ படங்கள் இணைப்பு ]

கடந்த மாதம் சிஎம்பி வாய்க்காலின் இணைப்பில் உள்ள அதிரையின் அனைத்து குளங்களுக்கும் தண்ணீர் வந்தடைந்தது. இந்நிலையில் கடந்த நான்கு தினங்களாக சிஎம்பி வாய்கால் இணைப்பில் உள்ள குளங்களுக்கு மீண்டும் ஆற்று நீர் வந்துகொண்டிருக்கிறது.

இந்நிலையில் தண்ணீரால் முழுவதும் நிரம்பியுள்ள செக்கடி குளம் கடல் போல் காட்சி அளிப்பதை இப்பகுதியினர் ஆர்வத்துடன் பார்வையிட்டு செல்கின்றனர். இதில் இப்பகுதியை சேர்ந்த இளைஞர்கள் நேரம் போவது தெரியாமல் நீண்ட நேரம் குளித்து மகிழ்கின்றனர். அருகில் உள்ள 15 அடி உயரத்திற்கும் மேலான கட்டிடத்தின் மேலிருந்து குளத்தில் டைவ் அடித்தும், நீந்தியும் செல்கின்றனர். இவற்றை இப்பகுதியினர் வியப்புடன் கண்டு ரசித்து வருகின்றனர்.