அதிரையில் நள்ளிரவில் வெளுத்து வாங்கிய மழை ! காட்டு குளம் நீர் மட்டம் ஒரு அடி உயர்வு !!

அதிரையில் நேற்று நள்ளிரவு 12.30 மணியிலிருந்து கன மழை பெய்தது. சுமார் 1 மணி நேரத்திற்கும் நீடித்து பெய்த மழையால் அதிரை குளுமையாக காட்சியளிக்கிறது. வறண்டு காணப்பட்ட அதிரையில் திடீரென பெய்த மழையால் மக்கள் மகிழ்ச்சியடைந்துள்ளனர்.

இதுகுறித்து மனித உரிமை ஆர்வலர் K.M.A ஜமால் முஹம்மது நம்மிடம் கூறுகையில்...
'நேற்று நள்ளிரவில் சுமார் 1 மணி நேரம் கனமழை பெய்தது. அடுத்து ஒரு மணி நேரத்திற்கு மீண்டும் லேசான மழை பெய்து கொண்டிருந்தது. நான் வசிக்கும் இருப்பிடம் அருகே உள்ள காட்டுக்குளத்திற்கு கடந்த மாதம் ஆற்று நீர் வந்தது. இந்நிலையில் காற்றுக் குளத்தின் தண்ணீர் அளவு சுமார் 3 அடி முதல் 4 அடி வரை நீர்மட்டம் குறைந்து காணப்பட்டது. நேற்று நள்ளிரவில் பெய்த மழையால் சுமார் 1 அடி உயர்ந்து காணப்படுகிறது. இந்த மழை நீடித்து பெய்தால் அதிரையின் அனைத்து குளங்களும் நிறைந்துவிடும்' என்றார்.