கத்தி குத்தில் இளம்பெண் படுகாயம் !

அதிரை அருகில் உள்ள கொள்ளுக்காடு கிராமத்தை சேர்ந்தவர் சித்திரவேல். இவர் மீன்பிடி தொழில் செய்து வருகிறார். இவரது மனைவி டயானா ( வயது 21). இதே பகுதியை சேர்ந்தவர்கள் சேவியர் ( வயது 31 ), லூத் சகாயம் ( வயது 29). உறவினர்களான இவர்கள் இருவருக்கும், சித்திரவேல் குடும்பத்தினருக்கும் ஏற்கனவே முன்விரோதம் இருந்ததாக கூறப்படுகிறது. இந்நிலையில் இவர்களுக்கிடையே இன்று இரவு நடந்த தகராறில் சேவியர், சகாயம் இருவரும் சேர்ந்துகொண்டு டயானாவை கத்தியால் குத்தியதாக கூறப்படுகிறது. இதில் டயனாவிற்கு முதுகிலும், கழுத்து பகுதியிலும் காயங்கள் ஏற்பட்டது. உடனே அதிரை அரசு மருத்துவமனைக்கு தமுமுக ஆம்புலன்ஸில் கொண்டு வரப்பட்டார். அங்கு தீவிர சிகிச்சை அளிக்கப்பட்டு வருகிறது. இந்த சம்பவத்தால் கொள்ளுக்காடு பகுதியில் பெரும் பரப்பரப்பு நிலவியது.