அதிரையில் ஜம்போ கிழக்கன் மீன் விற்பனை ! [ படங்கள் இணைப்பு ]

அதிரையை உள்ளடக்கிய காந்தி நகர், கரையூர் தெரு, ஏரிப்புறக்கரை மறவக்காடு, கீழத்தோட்டம் ஆகிய பகுதிகளில் மீன்பிடி துறைமுகங்கள் உள்ளன. இங்குள்ள மீனவர்கள் படகுகளில் கடலுக்குச் சென்று மீன்பிடித்து வருகின்றனர். அதே போல் அருகில் உள்ள மல்லிபட்டினம், சேதுபாவாசத்திரம் உள்ளிட்ட கடல் பகுதிகளிலும் மீன்கள் அதிகளவில் பிடிக்கப்பட்டு வருகிறது.

இந்நிலையில் அதிரை கடலோரப்பகுதியில் கடந்த சில நாட்களாக பெய்த தொடர் மழையால் ஏரிபுறக்கரை கடலில் அதிகளவில் கிழக்கன் மீன்கள் சிக்குகிறது. இந்த மீன்கள் அதிரை கடைத்தெரு மீன் மார்கெட்டிற்கு இன்று விற்பனைக்கு வந்தது. உருவத்தில் வழக்கத்தை வீட சற்று பெரிதாக காணப்பட்டது. ஒவ்வொரு மீன்களும் 200 கிராம் முதல் 250 கிராம் வரை எடையளவில் காணப்பட்டது. 4, 5 மீன்கள் ஒரு கிலோ எடையை கொண்டு இருந்தது. கிலோ  ₹ 200 வரை விலை போனது. அதிக ருசியை தரும் கிழக்கன் மீன்களை வாடிக்கையாளர்கள் ஆர்வத்துடன் வாங்கிச்சென்றனர்.