நடுத்தெரு சுற்று வட்டார பகுதிகளின் அள்ளப்படாத குப்பைகளால் தொற்று நோய் பரவும் அபாயம் !

அதிரை பேரூராட்சிக்கு உட்பட்ட நடுத்தெரு, வாய்க்கால் தெரு உள்ளிட்ட பகுதிகளில் அள்ளப்படாமல் காணப்படும் குப்பை கூளங்களை அப்புறப்படுத்த பொதுமக்கள் வேண்டுகோள் விடுத்துள்ளனர்.

அதிரை பேரூராட்சிக்கு உட்பட்ட நடுத்தெரு, வாய்க்கால் தெரு உள்ளிட்ட பகுதிகளில் சேரும் குப்பை கூளங்கள் கடந்த சில நாட்களாக அப்புறப்படுத்தப்படாததால் ஆங்காங்கே குமிந்து காணப்படுகிறது. இவற்றை வீதியில் சுற்றி திரியும் மாடுகள் கிளறுவதால் துர் நாற்றம் வீசுவதாகவும், குப்பைகள் ஆங்காங்கே சிதறிக்கிடப்பதால் தொற்று நோய் பரவும் அபாயம் இருப்பதாகவும் பொதுமக்கள் அஞ்சுகின்றனர்.

பேரூராட்சி நிர்வாகம் இவற்றை உடனடியாக கவனத்தில் எடுத்துக்கொண்டு துப்புரவு ஊழியர்களை அனுப்பி தேங்கி காணப்படும் குப்பைகளை அப்புறப்படுத்த வேண்டும் என பொதுமக்கள் கோரிக்கை விடுத்துள்ளனர்.

இன்று காலை 9 மணியளவில் எடுக்கப்பட்ட குப்பைகளின் படங்கள்...