5 பள்ளிவாசல்களுக்கு அதிரை பைத்துல்மால் வழங்கிய ஜனாஸா குளிப்பாட்ட பயன்படும் மேஜைகள் !

கடந்த பைத்துல்மால் மாதாந்திரக்கூட்டத்தில் ஜனாஸா குளிப்பாட்ட பயன்படுத்தப்படும் மேஜைகளைக் கீழ்கண்ட பள்ளிகளுக்கு வழங்குது என்ற தீர்மானத்தின்படி, இன்று மாலை அதிரை பைத்துல்மால் அலுவலகத்தில் அந்தந்த பள்ளிகளின் நிர்வாகிகள் வசம் ஒப்படைக்கப்பட்டது.

1. மரைக்கா பள்ளி
2. பெரிய ஜும்ஆ பள்ளி
3. பிலால் நகர் பள்ளி
4. கடற்கரைத் தெரு பள்ளி
5. A.J. பள்ளி

அதிரை சகோதரர் அஸ்லம் வழங்கிய 1 மேஜை, அப்துல் ரஷீத் மற்றும் அதிரை நண்பர்கள் சேர்ந்து வழங்கிய 4 மேஜைகள், ஆகக்கூடுதல் 5 மேஜைகள் இன்று வழங்கப்பட்டது. இதில் மரைக்கா பள்ளியின் சார்பில் அப்துல் காதர் ஆலிம், உதுமான், பெரிய ஜும்மா பள்ளி சார்பில் பகுருதீன், பிலால் நகர் பள்ளி சார்பில் அஹமது கபீர், கடற்கரைதெரு ஜும்மா பள்ளியின் சார்பில் அஹமது ஹாஜா, A.J. பள்ளி சார்பில் ராயல் சாகுல் ஹமீது ஆகியோர் அதிரை பைத்துல்மால் நிர்வாகிகளிடமிருந்து பெற்றனர்.

இது குறித்து அதிரை பைத்துல்மாலின் செயலாளர் அப்துல் ஹமீது அவர்கள் நம்மிடம் கூறியதாவது...
'அதிரை பைத்துல்மால் சார்பாக ஜனாஸா குளிப்பாட்ட பயன்படுத்தும் மேஜையை கடந்த சில மாதங்களுக்கு முன்பு தக்வா பள்ளிக்கு வழங்கினோம். அதன்தொடர்ச்சியாக இன்று மரைக்கா பள்ளி, பெரிய ஜும்மா பள்ளி, பிலால் நகர் பள்ளி, கடற்கரைதெரு ஜும்மா பள்ளி, A.J. பள்ளி ஆகிய 5 பள்ளிகளுக்கு வழங்கியுள்ளோம். இவற்றை மேலும் விரிவுபடுத்தும் நோக்கில் இன்னும் சில சகோதரர்கள் இதற்கு உதவுவதாக எங்களிடம் கூறியுள்ளனர். உதவியை பெற்றபின் மீதமுள்ள பள்ளிகளுக்கு வழங்க முயற்சிக்கப்படும்' என்றார்.