அதிரையில் AFFA நடத்தும் கால்பந்தாட்ட போட்டியின் இரண்டாம் நாள் ஆட்டத்தில் பட்டுக்கோட்டை அணியினர் வெற்றி !

அதிரை ப்ரெண்ட்ஸ் ஃபுட் பால் அசோசியேஷன் [ AFFA ] நடத்தும் 11 ஆம் ஆண்டு மாபெரும் எழுவர் கால் பந்து தொடர் போட்டியின் இரண்டாவது நாள் ஆட்டம் இன்று [ 19-05-2014 ] மாலை 5 மணியளவில் ஷிஃபா மருத்துவமனை எதிரே அமைந்துள்ள கிராணி மைதானத்தில் சிறப்பாக துவங்கியது.

இன்றைய ஆட்டத்தில் பட்டுக்கோட்டை அணியினரோடு மதுக்கூர் அணியினர் மோதினார்கள். விறுவிருப்பாக நடைபெற்ற ஆட்ட இறுதியில் 2 கோல் அடித்து பட்டுக்கோட்டை அணியினர் வெற்றிபெற்றனர். மதுக்கூர் அணியினர் 1 கோல் மட்டுமே அடித்தனர்.

ஆட்ட அம்பயராக வாசு தேவனும், அவருக்கு உதவியாக லோட்டஸ் நெய்னா மற்றும் அஸ்ரப் ஆகியோர் சிறப்பாக பணிபுரிந்தனர். இன்றைய இரண்டாவது நாள் ஆட்டத்தை காண ஏராளமான விளையாட்டுப் பிரியர்கள் மற்றும் பொதுமக்கள் திரளாக வருகை தந்து ரசித்தனர்.

நாளை நடைபெற உள்ள ஆட்டத்தில் நேற்றைய ஆட்டத்தில் வெற்றி பெற்ற கெளதியா ஸ்போர்ட்ஸ் கிளப் நாகூர் அணியினரோடு இன்று நடைபெற்ற ஆட்டத்தில் வெற்றி பெற்ற பட்டுக்கோட்டை அணியினர் மோத இருப்பதாக நிர்வாகிகள் தெரிவித்தனர்.