அதிரை கால்பந்தாட்ட வீரர்களுக்கு முன்னாள் வீரர் அன்வர் வழங்கிய சிறப்பு பயிற்சி !

அதிரை ப்ரெண்ட்ஸ் ஃபுட் பால் அசோசியேஷன் [ AFFA ] நடத்தும் 11 ஆம் ஆண்டு மாபெரும் எழுவர் கால் பந்து தொடர் போட்டியின் முதல்நாள் ஆட்டம் இன்று [ 18-05-2014 ] மாலை முதல் ஷிஃபா மருத்துவமனை எதிரே அமைந்துள்ள கிராணி மைதானத்தில் துவங்க உள்ளது. இன்றைய ஆட்டமாக கண்டனூர் அணியினரும், கெளதியா ஸ்போர்ட்ஸ் கிளப் நாகூர் அணியினரும் மோத உள்ளனர்.

கடந்த வருடங்களை போல் அதிரை கால்பந்தாட்ட வீரர்களுக்கு கால்பந்தாட்ட வீரர்களும், பல சாதனைகளை நிகழ்த்தி நமதூருக்கு பெருமை சேர்த்து தந்தவர்களுமாகிய அன்வர் அலி, லியாகத் அலி ஆகியோர் பயிற்சி அளித்து வருகின்றனர். போட்டி நடைபெறும் மைதானத்தில் தினமும் அதிகாலையில் நடைபெற இருக்கிற சிறப்பு பயிற்சியில் ஏராளமான வீரர்கள் கலந்துகொள்ள இருக்கின்றனர். வீரர்களுக்கு தேவையான ஆலோசனைகளை கூறி அதிக தன்னம்பிக்கையையும் வளர்த்து வருகின்றனர். இன்றைய பயிற்சியில் கலந்துகொண்ட வீரர்களுக்கு கொண்டைக்கடலை, முட்டை ஆகியன வழங்கப்பட்டது.