அதிரை வாய்க்கால்தெருவில் இரண்டு ஆடுகளை கடித்து குதறிய வெறி நாய் !

அதிரை வாய்க்கால் தெருவில் நடமாடி வந்த இரண்டு ஆடுகளை இன்று அதிகாலையில் வெறி நாய்கள் கடித்து குதறியது. இதில் ஒரு ஆடு சம்பவயிடத்திலேயே துடிதுடித்து பலியானது. மற்றொரு ஆடு உயிருக்கு போராடி வருகிறது. அதிகாலையில் நடத்த சம்பவத்தால் இந்த பகுதி பரபரப்பாக காணப்பட்டது.

இதுகுறித்து அப்பகுதியினர் நம்மிடம் ஆதங்கத்தோடு கூறுகையில்...
'நடந்த சம்பவம் எங்களுக்கு பெரும் அதிர்ச்சியை ஏற்படுத்தியுள்ளது. இந்த பகுதியில் சிறுவர் சிறுமிகள் அதிகளவில் புழங்கி வருகின்றனர். இன்று ஆட்டை கடித்து குதறிய வெறிநாய்கள் நாளை சிறுவர் சிறுமிகளை கடித்து குதறாது என்பதற்கு என்ன உத்திரவாதம் ? கடந்த சில வருடங்களாக இந்த பகுதியில் நாய்கள் தொல்லை இல்லாமல் இருந்து வந்தது. சமீபகாலமாக மீண்டும் அதிகளவில் நாய்கள் புழக்கம் காணப்படுகிறது.

அதிகாலை நேரங்களில் தொழுவதற்காக பள்ளிகளுக்கு செல்வோருக்கு இடையூறாக இருந்து வருகிறது. அதிரையில் மீண்டும் அதிகரித்துள்ள நாய்கள் நடமாட்டத்தை குறைக்க அதிரை பேரூர் நிர்வாகம் நடவடிக்கை மேற்கொள்ள வேண்டும்' என்றனர்.