அதிரையில் AFFA நடத்தும் கால்பந்தாட்ட போட்டியின் நான்காம் நாள் ஆட்டத்தில் ஒரத்தநாடு அணியினர் வெற்றி !

அதிரை ப்ரெண்ட்ஸ் ஃபுட் பால் அசோசியேஷன் [ AFFA ] நடத்தும் 11 ஆம் ஆண்டு மாபெரும் எழுவர் கால் பந்து தொடர் போட்டியின் நான்காம் நாள் ஆட்டம் இன்று [ 21-05-2014 ] மாலை 5 மணியளவில் ஷிஃபா மருத்துவமனை எதிரே அமைந்துள்ள கிராணி மைதானத்தில் சிறப்பாக துவங்கியது.

இன்றைய ஆட்டத்தில் அதிரை SSMG அணியினரோடு ஒரத்தநாடு அணியினர் மோதினார்கள். விறுவிருப்பாக நடைபெற்ற ஆட்ட இறுதியில் 1-1 என்ற கோல் கணக்கில் இரு அணிகளும் சமநிலையில் இருந்தனர். இதைதொடர்ந்து ட்ரைபிரேக்கர் வைக்கப்பட்டது. இதில் ஒரத்தநாடு அணியினர் வெற்றிபெற்றனர்.

வழக்கம் போல் ஆட்ட அம்பயராக வாசு தேவனும், அவருக்கு உதவியாக லோட்டஸ் நெய்னா மற்றும் ராஜிக் அஹமது ஆகியோர் சிறப்பாக பணிபுரிந்தனர். இன்றைய ஆட்டத்தை காண ஏராளமான விளையாட்டுப் பிரியர்கள் மற்றும் பொதுமக்கள் திரளாக வருகை தந்து ரசித்தனர்.

நாளை நடைபெற உள்ள ஆட்டத்தில் தஞ்சை நேதாஜி அணியினரோடு, சிவகங்கை அணியினர் மோத இருப்பதாக நிர்வாகிகள் நம்மிடம் தெரிவித்தனர்.

கம்பிரமாக காட்சியளிக்கும் அதிரை SSMG அணியினர்