ஷம்சுல் இஸ்லாம் சங்கத்தேர்தல் ! வெளியூர்வாழ் அதிரையர்களின் அன்பான வேண்டுகோள் !!

அதிரையின் மிகவும் பழமை வாய்ந்த சங்கங்களில் ஒன்று சம்சுல் இஸ்லாம் சங்கம். இந்த சங்கம் விரைவில் நூறாண்டுகளை எட்ட இருக்கிறது. இந்நிலையில் சம்சுல் இஸ்லாம் சங்கத்தில் நாளை [ 15-09-2014 ] நடைபெற உள்ள கூட்டத்தில் புதிய நிர்வாகிகள் தேர்தெடுக்க இருப்பதாக அறிவிப்பு வெளியிடப்பட்டது.

ஷம்சுல் இஸ்லாம் சங்கத்திற்கு உட்பட்ட ஏராளமானோர் தொழில் நிமித்தமாக வெளியூர்களில் வசித்து வருவதால். தேர்தலை எதிர்வரும் டிசம்பர் மாதத்திற்கு ஒத்திவைக்க வேண்டும் என்ற வேண்டுகோளை சங்க நிர்வாகிகளுக்கு விடுத்துள்ளனர்.

இது குறித்து வெளியிடப்பட்ட செய்தி குறிப்பில் கூறியிருப்பதாவது :
அதிரை ஷம்சுல் இஸ்லாம் சங்கம் நிர்வாகத்திற்கு தேர்தல் நடத்த இருப்பதாக தகவல்கள் வந்த வண்ணம் உள்ளன. இந்த சங்கம் ஆரம்பிக்கப்பட்ட நோக்கம், அதற்கு நம் முன்னோர்கள் எடுத்துக்கொண்ட முயற்சி இவை யாவும் போற்றுதலுக்குரியவை, எல்லா புகழும் அல்லாஹ்விற்கே !

இந்த தேர்தல் நடத்துவதில் எங்களுக்கு எவ்வித ஆட்சேபனையும் இல்லை , என்ற போதிலும் குறுகிய கால அவகாசத்தில் அறிவித்த, அதுவும், வெளி ஊர்களில் வர்த்தக நோக்கத்திற்காக வந்திருக்கும் எங்களை புறக்கணித்து இத்தேர்தலை நடுத்துவது எவ்வித்தில் நியாமாக இருக்கும் ? சொந்த ஊரை விட்டுவிட்டு, தனது குடும்ப நலனிற்காகவும் , தனது தேவை போக அவரர்களின் வசதிற்கேற்ப ஊர் நலனுக்காக எத்தனையோ நல்ல உள்ளம் கொண்டோர் பொருளாதாரத்தை செலவு செய்து வருவதை யாரும் மறுக்க இயலாது. ஒரு சாராரை புறம் தள்ளிவிட்டு  இத்தேர்தல் நடத்துவதில் எங்களுக்கு  உடன்பாடில்லை, இதற்கு ஷம்சுல் இஸ்லாம் சங்கம் , இணங்கி செயல் படக்கூடாது என்பது எங்களின் அன்பான வேண்டுகோள். நம் சகோதரர்கள், வெளி நாடுகளில் தியாகம் செய்து உழைத்து வருவதை நாம் கண்கூடாக காண்கின்றோம்.

இத்தேர்தலை வரும் டிசம்பர் மாத இறுதியில் நடத்துவதில் எவ்வித சிரமமும் இருக்காது.  இதன் அடிப்படையில் சென்னை மற்றும் வெளியூர் வாழும் அதிரை மக்கள் சார்பாக இந்த கோரிக்கையை உங்கள் கவனத்திற்கு அவசர, மற்றும் அவசிய கோரிக்கையாக  சமர்பிற்கின்றோம்.  எல்லோருக்கும் பொதுவான சங்கம் நியாமான முடிவை அறிவிக்கும் என்பதில் எங்களுக்கு முழு நம்பிக்கை உண்டு. என இவ்வாறு கூறப்பட்டுள்ளது.