என்.ஏ.எஸ் ஸார் இல்ல திருமணத்தில் அதிரையர் பங்கேற்பு !

அதிரை காதிர் முகைதீன் கல்லூரியில் கணினி அறிவியல் துறை தலைவராக பணியாற்றியவர் பேராசிரியர் என் ஏ சாகுல் ஹமீது. என்.ஏ.எஸ் என அனைவராலும் அன்புடன் அழைக்கப்படுபவர். இவரது சொந்த ஊர் ராமநாதபுரம் மாவட்டம் பனைக்குளம் ஆகும். இவரோடு பணிபுரிந்த சக பேராசிரியர்கள், நண்பர்கள், மாணவர்கள் ஆகியோரிடத்தில் இன்முகத்துடன் பழகக்கூடியவர். தனது இல்லத்திருமண ஒவ்வொரு நிகழ்ச்சியிலும் தவறாது தனது நட்பு வட்டத்தை அழைத்து மகிழ்வார்.

இவரது மகன் முஹம்மது அப்துல் காதர் மணமகனுக்கு நேற்று பனைக்குளத்தில் திருமணம் நடைபெற்றது. இதில் காதிர் முகைதீன் கல்லூரியின் முதல்வர், முன்னாள் முதல்வர், துறை தலைவர்கள், பேராசிரியர்கள், உதவி பேராசிரியர்கள், அலுவலக ஆய்வக பணியாளர்கள், இவரிடம் கல்வி பயின்ற மாணவர்கள், ஊர் பிரமுகர்கள் உள்ளிட்ட ஏராளமான அதிரைவாழ் நண்பர்கள் கலந்துகொண்டு மணமகனை வாழ்த்தி மகிழ்ந்தனர். அதிரையிலிருந்து வந்திருந்த அனைவரையும் என்.ஏ.எஸ் ஸார் இன்முகத்துடன் வரவேற்று உபசரித்து மகிழ்ந்தார்.