கன மழையால் பிலால் நகர் - புதுத்தெரு கடும் பாதிப்பு ! [ படங்கள் இணைப்பு ]

அதிரையில் கடும் வெயிலையும், சூட்டையும், வறட்சியையும் சந்தித்து வந்த அதிரையர்களுக்கு பெரும் வரப்பிரசாதமாக கடந்த சில வாரங்களாக தொடர் மழை பெய்து வருகிறது. தொடர்ந்து பெய்து வரும் கன மழையால் நகரின் தாழ்வான பகுதிகளில் வெள்ளம் சூழ்ந்துள்ளது.

அதிரையில் நேற்று 84.4 மில்லி மீட்டர் மழை பதிவாகிருப்பதாக கணக்கிடப்பட்டது. தற்போது வானம் மேகம் மூட்டத்துடன் குளிர்ந்த காற்றும் வீசிவருகின்றன. அவ்வப்போது சாரல் மழையும் பெய்து வருகிறது. அதிரை காதிர் முகைதீன் ஆண்கள் மேல் நிலைப்பள்ளியின் விளையாட்டு மைதானம், பிலால் நகர், புதுத்தெரு தைக்கால் உள்ளிட்ட பகுதிகள் வெள்ளத்தால் கடுமையான பாதிப்பை அடைந்துள்ளது. மேலும் அதிரையின் முக்கிய பகுதிகளில் தண்ணீர் ஆங்காங்கே தேங்கி காணப்படுகின்றன. வெள்ளம் சூழந்துள்ள பகுதிகளில் தண்ணீரை வெளியேற்றும் நடவடிக்கைகளை மேற்கொள்ள வேண்டும் என கோரிக்கை எழுந்துள்ளது.

பிலால் நகரில் சூழ்ந்துள்ள வெள்ளம்

புதுத்தெரு தைக்கால் பகுதியில் சூழ்ந்துள்ள வெள்ளம்