வாய்க்கால் தெரு அரசு நடு நிலைப்பள்ளி ஆசிரியருக்கு லயன்ஸ் சங்கம் வழங்கிய 'கல்வி திலகம்' விருது !

நமது முன்னாள் குடியரசுத் தலைவர் டாக்டர். ராதாகிருஷ்ணன் பிறந்த தினத்தை ஆசிரியர் தினமாக நாடு முழுவதும் கொண்டாடப்பட்டு வருகிறது. பன்னாட்டு லயன் சங்க மாவட்டம் 324 A2 சார்பில் திருச்சி சவுடாம்பிகா மெட்ரிக் மேல்நிலைப்பள்ளியில் ஆசிரியர் தின விழா மற்றும் ‘கல்வித் திலகம்’ விருது வழங்கும் விழா நடைபெற்றது.

இவ்விழாவில் அதிரை லயன் சங்கத்தின் தலைவர் Lion.M.சாகுல் ஹமீது, செயளாலர் Lion.Prof.Dr.N.M.I.அல்ஹாஜி, அல்ஷனா நெய்னா முஹம்மது, பொருளாளர். Lion.N.ஆறுமுகசாமி, லயன் சங்க மாவட்ட தலைவர் Lion.Prof.K.செய்யது அகமது கபீர், லயன் சங்க உறுப்பினர் K.தமீம் அன்சாரி மற்றும் லயன் சங்க உறுப்பினர்கள் பலரும் பங்கேற்றனர்.

விழாவில் அதிரை நகர லயன்ஸ் சங்கத்தின் பரிந்துரையின் அடிப்படையில் நமதூர் வாய்க்கால் தெரு அரசு நடு நிலைப்பள்ளியில் ஆசிரியராக பணிபுரியும் திரு S. டேவிட் அவர்களுக்கு சிறந்த சேவைக்காக ‘கல்வித் திலகம்’ விருது வழங்கி கௌரவிக்கப்பட்டது.

முன்னதாக இவ்விழாவை PMJF. Lion. Dr.S. ராமமூர்த்தி அவர்கள் தலைமை ஏற்று நடத்தினார், மாவட்ட ஆளுனர் MJF.Lion.K. பிரேம் அவர்கள் துவக்கி வைத்தார்,

தஞ்சாவூர் தமிழ் பல்கலைக்கழக துணைவேந்தர் Dr.V. திருமலை அவர்கள் விருது வழங்கி சிறப்புரையாற்றினார். மாவட்ட துணை ஆளுநர் I,PMJF.Lion. S.வேத நாயகம், மாவட்ட துணை ஆளுனர் II,MJF.Lion.P.வெங்கட்ராமன், PMJF.Lion.S.T. சீனிவாசன், PMJF.Lion.PL.A. சுப்ரமணியன் ஆகியோர் வாழ்த்துரை வழங்கினார்கள். இறுதியாக Lion.செல்வராஜு நன்றி கூறி விழாவை நிறைவு செய்தார். இதில் ஏராளமானோர் கலந்து கொண்டு சிறப்பித்தனர்.  விருது பெற்ற ஆசிரியர் டேவிட்டை அதிரை நகர லயன்ஸ் சங்க முன்னாள், இந்நாள் நிர்வாகிகள் பலரும் பாராட்டினர்.

செய்தி தொகுப்பு : 
முகம். முஜீப் ரஹ்மான்