ஆலடிக்குளம் தூர் வாரும் பணிகள் தீவிரம் !

சிஎம்பி வாய்க்காலின் இணைப்பில் உள்ள அனைத்து குளங்களுக்கும் தண்ணீர் திறந்து விட ஏற்பாடு செய்யப்பட்டு இருந்தது. முதலாவதாக அதிரை பகுதிகளுக்கு குடிநீர் வழங்குவதில் முக்கிய நீர் ஆதாரப் பகுதியாக இருந்து வரும் காட்டுகுளத்திற்கு சிஎம்பி வாய்க்கால் வழியாக ஆற்று நீர் வந்தடைந்தது. இதை தொடர்ந்து மரைக்கா குளத்திற்கு தண்ணீர் வந்தது.

இந்நிலையில் கல்லணை கோட்ட அலுவலர்களால் முறை வைத்து வழங்கப்பட்ட கெடு முடிவடைந்ததால் தண்ணீர் வரத்து நின்று போனது. சிஎம்பி வாய்க்காலின் இணைப்பில் உள்ள குளங்களுக்கு இரண்டாவது முறையாக தண்ணீர் திறந்து விட முடிவு செய்யப்பட்டுள்ளதை அடுத்து இருக்ககூடிய கால அவகாசத்தில் தண்ணீருக்காக காத்திருக்கும் ஆலடி குளத்தை இன்று ஜேசிபி இயந்திரத்தின் உதவியோடு குளத்தில் மண்டி காணப்படும் முட்புதர்கள், கழிவுகள் அகற்றப்படுகின்றன. மேடுகள் சரிசெய்யப்படுகிறது.