நடுத்தெருவில் மின் கம்பம் முறிந்து கீழே சாய்ந்தது ! பெரும் விபத்து தவிர்ப்பு !

தக்வா பள்ளி பின்புறம் அமைந்து நடுத்தெரு கடைசி சந்தில் அமைந்துள்ள பழமையான மின்கம்பம் இன்று பகல் கீழே சாய்ந்து எதிரே அமைந்துள்ள வீட்டின் மீது விழுந்தது. இதில் அதிர்ஷ்டவசமாக இழப்புகள் ஏதும் ஏற்படவில்லை.

பெரும்பாலான மாணவிகள் அருகில் உள்ள பள்ளிக்கு செல்ல இந்த சந்து பாதையை பயன்படுத்தி வருவார்கள். விபத்து நிகழ்ந்த போது பள்ளி நேரம் என்பதால் மாணவிகளின் நடமாட்டம் குறைவாகவே காணப்பட்டது.

தகவலறிந்த அதிரை மின்சாரவாரிய அலுவலர்கள், ஊழியர்கள் சம்பவ இடத்திற்கு விரைந்து வந்து சரிந்த மின்கம்பதை சரி செய்யும் பணிகளில் ஈடுபட்டு வருகின்றனர்.  இதனால் இந்த பகுதி பெரும் பரபரப்பாக காணப்பட்டது. எச்சரிக்கை நடவடிக்கையாக சந்து பாதையின் இருபுறத்திலும் நூலால் கட்டப்பட்டு அடைக்கபட்டுள்ளது. அருகில் நின்ற தென்னை மரம் திடிரென முறிந்து மின்கம்பத்தின் மீது விழுந்ததே விபத்திற்கான காரணம் என கூறப்படுகிறது.

செய்தி மற்றும் படங்கள் :
நூர் முஹம்மது ( நூவன்னா ) மற்றும் சமீர்