குழாய் உடைப்பால் குடிநீரில் மண் கலக்கும் அபாயம் !

அதிரை பேரூராட்சி சார்பில் பொதுநிதிதிட்டம்- 2012-2013 ன் கீழ் 6.10 லட்சம் செலவில் பட்டுக்கோட்டை சாலையில் [ கல்லு பட்டறை அருகில் ] புதிதாக போர்வெல் மற்றும் ரூம் அமைத்து குழாய் மூலம் குடிநீர் விநியோகம் செய்ய பணிகள் ஆரம்பிக்கப்பட்டது. இந்த பணிகள் அனைத்தும் நிறைவுற்ற நிலையில் அதன் அருகே புதைக்கப்பட்ட குழாய்களின் இருவேறு இடங்களில் தண்ணீர் கசிந்து ஓடிக்கொண்டிருக்கிறது. குழாய்களில் ஏற்பட்டுள்ள ஓட்டைகளால் அந்த பகுதிகளுக்கு செல்லும் குடிநீரில் மண் கலக்கும் அபாயம் ஏற்பட்டுள்ளது.

இதுகுறித்து அப்பகுதியினர் நம்மிடம் கூறுகையில்...
'விலை மலிவாக கிடைக்கிறது என்பதற்காக இந்த பணிகளுக்கு பயன்படுத்தும் தரமற்ற பைப்புகளால் அடிக்கடி குழாய் உடைப்பு ஏற்படுகிறது. இதனால் கூடுதல் செலவுகள் ஏற்படுவதுடன் குடிநீரும் வீண் விரயமாகின்றன. குளம் போல அருகில் தேங்கியும் காட்சியளிக்கின்றன. அதிரையில் சில பகுதிகளில் போதுமான அளவு குடிநீர் கிடைக்காத நிலையில், இதுபோன்று குடிநீர் வீணாக விரயமாவதை தடுக்கப்பட வேண்டும், சம்பந்தபட்ட பேரூராட்சி நிர்வாகம் முறையாக ஆய்வு செய்து இவற்றை சரிசெய்ய உடனடி நடவடிக்கையை மேற்கொள்ள வேண்டும்' என்கின்றனர்.